Friday, June 30, 2017

Zitto Kabwe Ampinga John Mnyika Sakata la Miswada ya Madini Kujadiliwa Bunge Hili

Jana miswada mitatu inayohusu madini ilisomwa bungeni kwa mara ya kwanza jana. Miswada hiyo iliwasilishwa kwa hati ya dharura kama ambavyo Rais Magufuli aliliomba Bunge  lipitie upya sheria na mikataba ya madini. Bunge pia limeongezwa muda hadi July 5.

Wakati anapokea ripoti ya pili ya Kamati Maalumu ya Uchumi na Sheria kuhusu Taarifa ya Makinikia, Rais Magufuli aliliomba Bunge kupitia upya sheria na mikataba yote ya madini na gesi ili kuiepusha nchi kuingia katika mikataba mibovu.

Baada ya kuwasilishwa kwa miswada hiyo jana, Mbunge wa Kibamba, John Mnyika(Chadema)  aliomba mwongozo wa Spika, ambapo aliliomba bunge kuondoa hati ya dharura ya kujadili miswada hiyo.

“Muda mfupi uliopita tumekabidhiwa ratiba ya bunge, serikali inaleta miswada mitatu kwa hati ya dharura, mwaka 1997 mikataba ya madini ilipitishwa haraka haraka, mikataba ya ngesi hivyo hivyo,

 “Kazi ya bunge ni kutunga sheria, sisi ndio wawakilishi wa wananchi, kwa umuhimu wake na maslahi kwa wananchi, sisi wawakilishi tulitakiwa kukutana na wananchi, hivyo ni bora ikasomwa leo kwa mara ya kwanza na hati ya dharura ikaondolewa na kuletwa bunge lijalo.

 “Kwa maelezo uliyotoa wadau wataitwa kwa short notice wafike Dodoma kujadili, sisi wabunge vile vile, miswada mitatu inaletwa tuichambue. Huu ni mtego kwa kutufanya tushindwe kuishauri serikali kwa kazi yetu ya kibunge”. Alisema Mnyika

Baada ya kauli hiyo ya Mnyika aliyoitoa jana Bungeni, leo Zitto Kabwe(Mbunge wa Kigoma-ACT Wazalendo) amepingana na kauli hiyo  ambapo amesema  Hoja ya hati ya dharura anayoizungumzia Mnyika  ni dhaifu kwa sasa.

==>Huu ni ujumbe wake aliouandika kupitia ukurasa wake Facebook
 
Naelewa Sana wenzangu wanapoongelea hati ya dharura kwenye miswada Hii ya Rasilimali za Nchi. Lakini ukisoma muswada mmoja baada ya mmoja hakuna jambo linalohitaji muda maana yote tumekuwa tukiyasema Kwa miaka 10 sasa tangu Buzwagi Mwaka 2007. Hoja ya hati ya dharura ni dhaifu Kwa sasa na Kwa hili.

- Sheria moja inataka tamko rasmi la kisheria kuwa madini, mafuta na gesi asilia ni mali ya Taifa ya milele na haitahamishwa Kwa yeyote. Tukiongezewa muda tutabadili hili?

- Sheria moja inataka mikataba ya Madini iwe inapitishwa na Bunge. Tukiongezewa muda tutabadili hili?

- Sheria moja inabadili sheria ya Madini ya mwaka 2010 Kwa kutekeleza mapendekezo ya Kamati ya Bomani. Unataka muda Kwenye hili?

Hebu tukatunge sheria na tuboreshe miswada Hii ili kurudisha rasilimali zetu kwenye mikono yetu. Hoja ya Hati ya Dharura ni hoja nzuri lakini Kwa sasa ni maneno matupu yaani empty rhetoric


Advertisement
==

Bonyeza HAPA kudownload applicationi ya Mpekuzi Blog kwenye simu yako ili kupata habari zetu Haraka

===
Tupe Maoni Yako( Matusi Hapana )