Sunday, July 30, 2017

Jeshi la Polisi Dar lakamata vifaa mbalimbali vya magari na Wezi 73

Jeshi la Polisi kanda maalum ya Dar es Salaam, limewakamata watuhumiwa 73 wa wizi wa magari pamoja na vifaa vya magari katika oparesheni yake maalum inayolenga kuwakamata wezi na wanunuzi wa vifaa vya magari.

Taarifa ya jeshi hilo, iliyotolewa jana na Kaimu kamanda wa Polisi kanda maalum Dar es Salaam, (DCP) L. J Mkondya inaeleza kuwa tarehe 21/07/2017 walifanikiwa kuwakamata wezi wa vifaa mbalimbali vya magari, ikiwa ni pamoja na wanunuzi wa vifaa hivyo katika sehemu mbalimbali za jiji la Dar es Salaam.

Katika Operesheni hiyo jumla ya watuhumiwa 73 wamekamatwa baada ya kupekuliwa walikutwa na vifaa mbalimbali vya magari ikiwemo, Side mirrors, taa za gari, bampas, left pump, milango ya magari, vitasa vya magari, power windows, radio, injector pump, starer na seat cover.

Watuhumiwa waliokamatwa katika mkoa wa kipolisi Kinondoni ni 29, Ilala 33 na Mkoa wa kipolisi Temeke ni 11, watuhumiwa hao walishindwa kuvitolea maelezo vifaa hivyo, na kuwa upelelezi bado unaendelea ili kubaini mtandao unaojihusisha na wizi huo ambapo watafikishwa mahakami mara tuu uchunguzi utakapo kamilika.

Kwa ujumla vifaa vyote vilivyo kamatwa ni, Radio 12, Taa za magari aina mbalimbali 105, side mirrors 92, vitasa vya gari 109, switch 7, Bampa 4, Left Pump 3, Air Cleaner 1, Booster 3, Show grill, Mashine ya kupandishia vioo 1 na Tyre used 2.

Advertisement
==

Bonyeza HAPA kudownload applicationi ya Mpekuzi Blog kwenye simu yako ili kupata habari zetu Haraka

===
Tupe Maoni Yako( Matusi Hapana )