Saturday, July 1, 2017

Mafuta yashuka bei. Hizi ndizo bei zilizoanza kutumia leo Julai 1, 2017

Licha ya Serikali kuongeza kodi ya Sh 40 kwa kila lita ya mafuta, bei nchini imeshuka ikilinganishwa na zile za Juni 7 mwaka huu, ambapo kwa sasa bei ya petroli kwa lita imepungua kwa Sh 37, dizeli kwa Sh 14 na mafuta ya taa kwa Sh 19 kwa lita.

Akitangaza bei mpya ya mafuta Dar es Salaam jana, Meneja Mawasiliano na Uhusiano wa Mamlaka ya Udhibiti wa Huduma za Nishati na Maji (Ewura), Titus Kaguo kwa niaba ya Kaimu Mkurugenzi wa mamlaka hiyo, Godwin Samwel, alisema kuwa katika mwaka uliopita wa fedha, kodi ya serikali kwenye mafuta ya petroli kwa lita ilikuwa Sh 339, mafuta ya dizeli Sh 215 na mafuta ya taa Sh 425.

Kaguo alisema kwa sasa kodi ya mafuta ya petrol, itakuwa ni Sh 379, mafuta ya dizeli Sh 255 na mafuta ya taa Sh 465 kwa lita. 

Hata hivyo, Kaguo alioa onyo kwa wamiliki wa vituo vya mafuta ambao walihodhi kwa ajili ya kupandisha bei mafuta hayo kuanzia leo, kwamba lengo lao halijatimia, kwa kuwa bei zilizotangazwa ndizo zinazotakiwa kuanza kutumika.

==>Tazama beo zote kwa kila mkoa hapo chini

Advertisement
==

Bonyeza HAPA kudownload applicationi ya Mpekuzi Blog kwenye simu yako ili kupata habari zetu Haraka
===
Tupe Maoni Yako( Matusi Hapana )