Sunday, July 2, 2017

Marekani: Hatuna Muda Tena wa Kuivumilia Korea Kaskazini

Rais wa Marekani, Donald Trump amesisitiza kwamba muda wa kimkakati wa uvumilivu kwa Korea Kaskazini umekwisha.

Katika hotuba ya pamoja juzi, akiwa na mwenzake wa Korea Kusini, Moon Jae katika bustani ya Rose kwenye Ikulu ya White house, Trump aliahidi ‘kuchukua hatua madhubuti’ dhidi ya programu ya nyuklia na makombora ya Korea Kaskazini  akisema vitisho vyake vinafaa kupatiwa majibu ya kijasiri.

“Hizi si zama za kuvuta subira juu ya Serikali ya Korea Kusini ambayo imeshindwa kutekeleza wajibu wake,” alisema Trump.

“Imechukua miaka mingi na imeshindikana, na kwa kweli hakuna kuvuta subira hivi sasa.”

Hata hivyo, Trump amesema ni muhimu kuwe na ushirikiano katika kugawana mzigo wa kuhakikisha usalama.

Kadhalika, Rais wa Korea Kusini amesema kwamba Taifa lake litaweka marekebisho ya kiusalama na kujenga msingi dhabiti wa kujikinga.

Kiongozi huyo ameshauri kuwa ni muhimu kuendelea na majadiliano na viongozi wa Korea Kaskazini.

Trump na Moon walitofautiana jinsi wanavyotakiwa kuweka shinikizo juu ya Korea Kaskazini ili iweze kuacha kabisa programu yake ya nyuklia.

Wakati hayo yakiendelea, Korea Kaskazini imeendelea kushikilia msimamo wake wa kufanya majaribio ya makombora ya kinyuklia, huku ikiongeza ubora zaidi wa makombora yake na kudai kuwa yanafika katika kona nyingi za dunia ikiwa ni pamoja na sehemu ya Marekani.

Advertisement
==

Bonyeza HAPA kudownload applicationi ya Mpekuzi Blog kwenye simu yako ili kupata habari zetu Haraka
===
Tupe Maoni Yako( Matusi Hapana )