Tuesday, August 8, 2017

Chadema Yamlima Barua Kaimu Jaji Mkuu

Kamati Kuu ya Chadema imemwandikia barua Kaimu Jaji Mkuu, Profesa Ibrahim Juma kulalamikia kitendo cha mahakama nchini kuwanyima dhamana wanachama wake wanapofikishwa mahakamani.

Akiwasilisha azimio la Kamati Kuu, Makamu Mwenyekiti wa Chadema, Profesa Abdallah Safari amesema wanamtaka aingilie kati suala hilo na kuhakikisha kwamba makosa yanayodhaminika basi yanapewa dhamana.

Profesa Safari amesema katika barua hiyo wamebainisha kesi tano za viongozi na wanachama wa Chadema ambao wamenyimwa au kucheleweshewa dhamana zao kwenye mahakama mbalimbali.

"Hivi ndiyo vitu ambavyo Jaji Mkuu anatakiwa kivifahamu, yeye ndiye custodian wa uhuru wa Mahakama. Ninaamini kwamba atalifanyia kazi suala hili," amesema Profesa Safari.

Baadhi ya kesi zilizobainishwa kwenye barua hiyo ni pamoja na kesi ya jinai kati ya Jamhuri na Katibu Mkuu wa Chadema, Dk Vincent Mashinji na wenzake wanane huko Songea.

Kesi nyingine ni jinai dhidi ya wajumbe wa Serikali ya Mtaa huko Mbozi pamoja na wanachama wengine wawili; jinai dhidi ya Maduka Michael Maduka na wenzake 51 huko Chato.

Pia, ipo kesi ya jinai dhidi ya Tundu Lissu na Godbless Lema ambao wote walinyimwa dhamana kwa madai kwamba hakukuwa na sababu za msingi kwa wao kunyimwa dhamana.

Advertisement
==

Bonyeza HAPA kudownload applicationi ya Mpekuzi Blog kwenye simu yako ili kupata habari zetu Haraka

===
Tupe Maoni Yako( Matusi Hapana )