Friday, February 2, 2018

SSRA, Nida kushirikiana uandikishaji vitambulisho vya Taifa

Mamlaka ya Usimamizi wa Mifuko ya Taifa ya Hifadhi ya Jamii (SSRA) kwa kushirikiana na Mamlaka ya Vitambulisho vya Taifa (Nida) wanaendelea na awamu ya pili ya uandikishaji wa vitambulisho vya Taifa kwa wanachama wa mifuko yote ya hifadhi ya jamii.

Awamu hiyo itaanza Februari, 5 hadi 28, 2018 katika wilaya tano za Dar es Salaam.

Akizungumza leo Februari2, 2018 meneja miradi wa SSRA, Sara Kibonde amesema lengo la uandikishaji huo ni kuboresha taarifa za wanachama wa sekta ya mifuko hiyo nchini.

Amesema uandikishaji huo ulianzia mkoani Dodoma, ulikuwa ni mpango maalumu lakini waligundua kuwa asilimia 51.2 ya wachangaji na wanufaika wa mifuko hiyo  hawana vitambulisho vya Taifa .

Amebainisha kuwa mifuko hiyo ina wachangiaji zaidi ya milioni moja na wanufaika zaidi ya milioni mbili, huku asilimia 48.8 pekee ndi wenye  vitambulisho vya Taifa.

“Tunashirikiana na Nida kuhakikisha wachangiaji na wanufaika wa mifuko hii wote wanakuwa na vitambulisho vya Taifa, ”amesema Kibonde.

Meneja wa takwimu wa Nida,  Francis Saliboko amesema  wamejipanga ipasavyo kuhakikisha wanamaliza changamoto zote zilizojitokeza awali katika uandikishaji na utoaji vitambulisho hivyo.

“Hakuna atakayepata namba mbili au vitambulisho viwili, kama alijiandikisha mahali popote na tukachukua alama zake za vidole  akiingiza taarifa nyingine ataonekana,”amesema.

Advertisement
==

Bonyeza HAPA kudownload applicationi ya Mpekuzi Blog kwenye simu yako ili kupata habari zetu Haraka

===
Tupe Maoni Yako( Matusi Hapana )