Thursday, June 28, 2018

Volkswagen Kuanza kutengenezwa Rwanda

Kampuni ya kutengeneza magari ya Volkswagen imezindua na kutangaza kuanza kuunda magari hayo nchini Rwanda huku ikitarajia kuunda magari mpaka 5000 kwa mwaka ambao mengine yatauzwa nje ya Rwanda.

Uwekezaji huo umetajwa kugharimu  dola milioni 20, ambao utengeneza ajira 1,000.

Katika uzinduzi wa tukio hilo ambalo,Rais Paul Kagame, amesema kuwa ni hatua muhimu kwa nchi hiyo.

Amesema kuwa bila shaka kituo kinawakilisha sura mpya katika safari ya mabadiliko ya kiuchumi Rwanda.

"Najua kwa wengine inaweza kuwa vigumu kuamini kuwa magari ya Ujerumani, kama tulivyozoea  kuwaita, yangeundwa kweli nchini Rwanda." Kagame.

Hata hivyo bado umiliki wa magari  nchini Rwanda bado ni mdogo ambapo kati ya watu milioni 12, laki mbili tu ndiyo wanaotumia magari binafsi hao ni wale waliosajiliwa tangu mwaka 1997 kwa mujibu wa mamlaka ya ukusanyaji wa kodi.

Licha ya kiwango cha chini cha umiliki wa magari nchini Rwanda, Volkswagen inatarajia kuuza magari hayo nchi za jirani za jirani huku mengine yakitarajiwa kutumika katika biashara ya usafiri ya kimataifa  kama vile 'Uber'  ambapo itawezesha watu kuagiza safari kupitia simu za kisasa

Hata hivyo  Makampuni ya ushirikiano wa safari ya kimataifa 'Uber'  bado hawajafika Rwanda hivyo Volkswagen itawasaidia kwa kuanzisha huduma yake nchini humo.

Mbali na hayo imeelezwa kuwa magari mengi ya sasa kwenye barabara za nchi hiyo ni yale yaliyoagizwa kutoka nchi kama Japan.
Advertisement
==


Advertisement
Usipitwe na Habari Yoyote. Install Mpekuzi App kwenye Simu Yako Upate Habari Zetu kwa Wepesi Zaidi

==>>... << BOFYA HAPA  Kui Install>>
==

....

===
Tupe Maoni Yako( Matusi Hapana )