Friday, July 27, 2018

Lugola: Sipo Tayari Kutumbuliwa....Ntakula Sahani Moja na Wale Wanatoa Kauli za Kichochezi

Waziri wa Mambo ya Ndani ya Nchi, Kangi Lugola amevionya vyama vya siasa kwa kusema hayuko tayari kutumbuliwa kwa sababu ya kushuhudia mtu yeyote akitoa lugha za kichochezi kwa kisingizio cha kumnadi mgombea jukwaani.

Lugola ametoa onyo hilo  jana wakati akizungumza na waandishi wa habari jijini Dodoma ambapo amesema kuwa  mgombea atakayetoa matamshi ya uchochezi atakamatwa na huenda akakosa haki ya kuendelea na uchaguzi.

“Siko tayari kutumbuliwa ila niko tayari kuwatoa matumbo wote watakaokuwa wanajihusisha na uchochezi kabla tumbo langu halijatumbuliwa na mheshimiwa Rais,” alisema Lugola

Kauli hiyo ya kuvionya vyama vya siasa imekuja wakati vyama hivyo vipo kwenye kampeni ya uchaguzi mdogo wa madiwani na ubunge, utakaofanyika Agosti 12.

“Navionya vyama vyote vya siasa, mtu yoyote wa chama chochote cha siasa atakayeonekana akitumia kinywa chake kutoa matamko ambayo ni ya uchochezi ajue kwamba hayuko salama tutavikamata hata kama ni mgombea yuko katika jukwaa,” alisema.

“Hii ni kwa sababu haturuhusu mtu atoe matamshi ya kutukana viongozi, matamshi ya uchochezi atakuwa amepoteza nafasi yake ya kuomba kura labda bahati yake kama wananchi wanamtaka kumchagua bila kuendelea na kampeni,” alisema.

Alionya kuwa asisikie mtu yoyote anatoa kauli ya uchochezi atapambana naye na kwamba yeye aliapishwa na Rais John Magufuli ili kuhakikisha kuwa nchi inakuwa na amani, usalama na utulivu.

Lugola alisema pia Rais Magufuli wakati anaapishwa kushika uongozi wa nchi, aliahidi kuendelea kudumisha uhuru, amani, usalama na kuwalinda Watanzania.

Alisema hayuko tayari kuwafumbia macho wanaofanya uchochezi kwa kuwa huko itakuwa ni kumuangusha Rais Magufuli.
Advertisement
tang
==


Advertisement
Usipitwe na Habari Yoyote. Install Mpekuzi App kwenye Simu Yako Upate Habari Zetu kwa Wepesi Zaidi

==>>... << BOFYA HAPA  Kui Install>>
==

....

===
Tupe Maoni Yako( Matusi Hapana )