Tuesday, August 7, 2018

Multichoice (Dstv) na Zuku hatarini kunyang'anywa leseni za kurusha matangazo Tanzania kwa kukaidi Agizo la TCRA la kutoonyesha televisheni za ndani

Mamlaka ya Mawasiliano nchini (TCRA) inakusudia kusitisha leseni ya kampuni ya Multichoice Tanzania Limited, wamiliki wa king’amzi cha DSTV na Simbanet Tanzania Limited inayomiliki Zuku kwa kile kinachoelezwa kuwa ni kukiuka masharti ya leseni.

Taarifa iliyowekwa kwenye vyombo vya habari na mkurugenzi mkuu wa mamlaka hiyo, leo Agosti 7 inaeleza kuwa kampuni hizo zimejumuisha katika vifurushi vyao chaneli za ndani ambazo hazitakiwi kulipiwa.

 “Simbanet Tanzania Limited, Multichoice Tanzania Limited, hairuhusiwi kuonyesha chaneli za televisheni zenye leseni za kutazamwa bila malipo kupitia ving’amuzi vyao isipokuwa TBC1 peke yake,” limeeleza tangazo hilo.

Tangazo hizo linasema TCRA imewahi kuziamuru kampuni hizo kuacha kubeba na kuonyesha chaneli hizo kwa kuwa ni kinyume na matakwa ya sheria na leseni walizopewa lakini zimekaidi onyo hilo na kuendelea kuonyesha chaneli hizo.

Limeongeza kuwa TCRA inakusudia kusimamisha kabisa leseni zote zilizotolewa na mamlaka hiyo kwa kampuni hizo kwa sababu zimeshindwa kutekeleza amri halali na masharti ya leseni zao.
Advertisement
tang
==


Advertisement
Usipitwe na Habari Yoyote. Install Mpekuzi App kwenye Simu Yako Upate Habari Zetu kwa Wepesi Zaidi

==>>... << BOFYA HAPA  Kui Install>>
==

....

===
Tupe Maoni Yako( Matusi Hapana )