Friday, October 5, 2018

Mabasi ya Mikoani Kuanza Safari Saa 11 Alfajiri Kuanzia Wiki Ijayo

Serikali imetanga kuanza mpango wa mabasi ya abiria katika mikoa mitano nchini, kuanza safari za ndani na nje ya nchi saa 11 alfajiri kuanzia Oktoba 9, 2018 ili kurahisisha safari kwa abiria na kufika mapema.

Naibu Waziri wa Uchukuzi na Mawasiliano, Mhandisi Atashasta Nditiye akizungumza na waandishi wa habari  Oktoba 4,  2018 jijini Arusha, katika ziara ambayo aliifanya Uwanja wa Ndege wa Arusha, alisema awali safari hizo, zilitarajiwa kuanza mapema lakini kuna masuala yaliyokuwa yanashughulikiwa na Sumatra.

"Kuanzia Jumanne ijayo, Oktoba 9, baadhi ya magari ya abiria katika mikoa mitano, Dar es Salaam, Mwanza, Arusha, Mbeya na Dodoma yataanza safari saa 11 alfajiri," alisema.

Alisema alitoa agizo hilo kwa mara ya kwanza, akiwa Ubungo jijini Dar es Salaam wiki mbili zilizopita lakini safari hizo zilichelewa kuanza kutokana na Sumatra kuwasiliana na vyombo vingine ikiwepo polisi na wamiliki wa mabasi ili kurekebisha ratiba.

Naibu waziri huyo, amesema hatua hiyo pia itachukuliwa kwa mikoa mingine, baada ya kujiridhisha kuwa kutakuwa na usalama.
Advertisement
==


Advertisement
Usipitwe na Habari Yoyote. Install Mpekuzi App kwenye Simu Yako Upate Habari Zetu kwa Wepesi Zaidi

==>>... << BOFYA HAPA  Kui Install>>
==

....

===
Tupe Maoni Yako( Matusi Hapana )