Friday, November 2, 2018

Riwaya Kali: POWER - Sehemu ya 24

MWANDISHI: EDDAZARIA G.MSULWA- 0657072588
ILIPOISHIA   

‘Ethan nisaidie, nipe uwezo basi rafiki yangu’
Nilizungumza kimoyo moyo huku nikiwatazama wachezaji wa timu pinzani wakishangilia goli hilo. Kwa dakika hizi kumi na tisa za hapa awali wachezaji wezangu wote wamechoka na wamechoka na wanaonekana kukata tamaa kabisa. Tukaanza tena mpira huku nikijitahidi kukimbia kidogo na mpira na kupiga katika goli la wapinzani, ila mipira yangu haikuweza kufika kwani mabeki ni mahiri kwa kuzuia mipira ya juu. Dakika ya ishiri na mbili tukafungwa goli la tatu. Dakika ya ishirini na nane tukafungwa goli la nne. Dakika ta arubaini na tano tukafungwa goli la tano ambalo liliyafanya machozi yangu kushindwa kujizuia na kuanza kutiririka machoni mwangu kwani mchezaji wa timu pinzani aliwapiga chenga mabeki wanne na akampiga tobo kiba na kufunga goli hili na kwa dharau ya ajabu akaanza kupiga piga kifua chake kwamba sisi na mashabiki wetu hatuna chochote mbele yao.

ENDELEA
Kitendo cha kuanza mpira, refarii akapuliza kipenga akiashiria ni muda wa mapumziko. Tarati bu tukatoka uwanjani huku nikiinamisha uso wangu chini, kwani nina huzuni kubwa kwa kweli. Tukaingia kwenye vumba vya kubadilishia nguo. Kila mchezi hakika amechoka na hakuna ambaye anaonyesha ana matumaini ya kufanya vizuri.
“Goli ni tano hadi sasa”  
      
Kocha msaidizi alizungumza kwa unyonge sana huku akitutazama.
“Kipa namba moja hali yake kidogo sio nzuri. Kipa namba mbili ninakuomba ujitahidi sana kuwapanga mabeki wako. Katikati munapotea sana, mipira haimfikii Ethan. Jaribuni kupanda na si kukaa tu nyuma kusubiria mashambulizi”
Kocha alizungumza kwa msisitizo. Nikanyanyaka na kuingia bafuni huku nikiwa nimejawa na hasira.
‘Kama ni urafiki wenyewe wa kuniacha kwenye matatizo peke yangu ni bora uishie hapa’
Nilizungumza kimoyo moyo nikiamini kwamba Ethan yupo ananisikia. Nikamuoa akiwa amesimama mlangoni huku akicheka sana.
‘Ni nini kinacho kuchekesha?’
‘Leo mumekula maharage ya wapi?’
‘Ethan tambua kwamba sipo katika wakati wa utani, tumedhalika kipindi cha kwanza’
‘Ni kweli mume dhalilika, maelfu ya mashabiki wenu wamekuwa hoiii. Imani yao imepotea kabisa kwenu’
‘Kwa hiyo, nipe basi njia nijue ni nini nafanya ili niweze kufanikiwa?’
 
‘Hahahaa. Njia ni moja tu’
‘Ipi?’
‘Vua hicho kitambaa cha timu kapteni na umkabidhi kipa wenu na wewe ubaki kama mchezaji huru’
‘Kwa kufanya hivyo tutashinda au?’
‘Unaniamini au huniamini?’
Nikakaa kimya kwa muda huku nikimtazama Ethan usoni mwake.
‘Fanya hivyo la sivyo, leo mutaoga mvua ya magoli hadi muone dunia chungu’
‘Poa’
Nikavua kitambaa hichi kabla ya kutoka humu ndani, Ethan akanigusa kifuani mwangu kwa mkono wake wa kulia, nikahisi msisimko mkubwa sana kifuani mwangu. Uchovu ambao ulitokana na kukata tamaa, ukanipotea hali ya kujiamini na munkari vikanitawala. Ethan akanitazama kwa muda kidogo kisha akatingisha kichwa kunirudi nitoke ndani humu. Nikatoka na kuwakuta wachezaji wezangu wakiwa tayari wamesha simama kujiandaa kurudi uwanjani. Nikamuita kipa na kumvisha kitambaa cha timu kapteni.
 
“Kwa nini kapteni”
Kipa aliniuliza huku akinitazama.
“Hii ni moja ya mbinu ya kuwapa kiburi wapinzani wetu. Wakikuona wewe umevaa hichi watajiamini na kujisahau sana”
Kocha akanitazama kwa muda kisha akakosa cha kuzungumza.
“Tunakwenda kushinda, mumenielewa”
“Ndiooo”
Wachezaji wezangu waliitikia huku wakionekana kujawa na matumaini ya kupambana upya. Tukarudi kiwanjani huku baadhi ya mashabiki wakianza kutuzomea kwa kushindwa kufanya vizuri kipindi cha kwanza. Wapinzani wakaweka mpira kati na refarii akapuliza filimbi na mechi ikaanza upya. Nikamfwata mchezaji mwenye mpira na kwa kasi nikampokonya mpira miguuni mwake na kuanza kukimbia huku nikiwapita mabeki wao kirahisi sana, nikapaki mimi na kipa. Kwa mguu wangu wa kushoto nikapiga shuti moja zito lililo mbabatiza kipa na kumuingiza golini yeye na mpira wake. 
 
Uwanja mzima ukafurika kwa shangwe, Wajerumani wote wakanyanyuka, kwenye viti vyao, tukapeana mikono ya kupongezana na wachezaji wezangu huku nikiwahakikishia kwamba ni lazima tushinde. Wapinzani wetu wakaanza mpira kwa kasi, ila kwa bahati mbaya wakaponywa na mmoja wa mchezaji wetu, alicho kifanya ni kupiga mpira mrefu, nikaruka juu na kuutuliza kifuani mwangu. Mabeki wawili wakanifwata kwa pupa. Mmoja nikampiga tobo huku mwengine nikimpitishia mpira juu yake, huwa tumezoea kuita kitendo hichi ‘Kanzu’. Nikaaza kukimbia kwa kasi, nikia mita chache kutoka golini, nikajikunjua mguu wangu wa kulia na kupiga shoti moja la chini ambalo kiba alibaki akisimama akiutazama mpira na kukaingia nyavuni.
Nikakimbia kwa kasi, kisha nikaburuzika kwa magoti yangu kwa mita kadhaa kisha nikalala chali na wachezaji wezangu wakaniangukia kwa juu huku kila mmoja akiwa na furaha kubwa.
 
“ETHAN, ETHA, ETHAN’
Jina langu lilitawala uwanja mzima. Wachezaji wezangu wakazidi kupata nguvu na matumaini.
“Tumebakisha goli tatu sawa”
“Sawa sawa”
Shangwe zikazidi kuwachanganya wapinzani wetu, kwani kila walivyo jaribu kushambulia, wakakutana na safu ya mabeki walio tulia na kila mchezaji wetu aliye pata mpira akiwa eneo la nyuma, alicho kifanya ni kuupiga mpira mbele. Wyne ambaye ni mchezaji namba nane katika timu yetu, akapata mpira mmoja kutoka kwa beki namba tano, akaanza kuwakimbiza wapinzani wetu hadi eneo la kona. Akaingiza krosi moja, na Pinto bila ya makosa akaruka hewani na kupiga kichwa kizito kilicho ufanya mpira kuingia nyavuni, na kuinua shangwe za mashabiki wetu.
 
Tukamkumbatia Pinto kwa furaha sana, kwani tayari mashabiki wetu tumesha washika sehemu ambayo hata wao wamesha jawa na hofu.
“Bado mbili”
Nilizungumza huku nikipiga makofi ili kuwahimiza wachezaji wezangu. Kocha wa timu pinzani akabadilisha mabeki wa wili na kuwaingiza wengine ambao wana miili mikubwa kulio hata walio anza toka.
“Pinto kuwa makini wale wameingia kuzuia tu na wapo tayari kucheza rafu hata kumvunja mtu. Sawa”
“Nimekupata kapteni”
Wapinzani wakaanza mpira katikati ya uwanja. Wakajaribu kuleta mashambulizi ila Lukas, akamzuia mpira na kunipigia pasi ya chini ambayo sikutaka kuiweka mguuni mwangu hata kwa sekunde mbili, nikampasia Wyne. Wyne kwa kasi aliyo barikiwa na Mungu akaanza kuwafwata mabeki wawili walio ingizwa katikati ya boksi la mabeki. Beki mmoja pasipo kujua ni nini maana ya Wyne kufanya hivyo akajikuta akimchota kwa miguu yake miwili na Wyne akaanguka chini. Refarii pasipo ubishi, akaweka penati huku beki huyo akionywa kwa kadi ya njano.
 
“Wyne piga”
Nilizungumza kwani mimi ndio nimezoeleka kupiga petani zozote zinazo toke. Wyne akaweka mpira kwenye kidura maalumu cha kupigia penati. Wachezaji wote tukajipanga nje ya boksi la makipa tukisubiria Wyne apige penati hiyo. Wyne akarudi hatua mbili nyuma huku akishika kiono chake kwamikono miwili, akisubiria refarii kupuliza kipenga.
Refarii akapuliza kipenga, Wyne akapiga penati hiyo kwa bahati mbaya ikapiga mwamba wa pembeni kisha ikarudi katika eneo nililo simama mimi. Nikampasia Wyen mpira huo na akamalizia kwa kuupigia nyavuni na kufanya ubao wa matangazo kusoma goli nne kwa tano. Nikatazama ubao wa matangazo unaonyesha ni dakika ya sabini na mbili.
“Tubadilisheni mfumo, tucheze ule nilio waambia jana usiku sawa”
 
“Sawa kampteni”
Mpira ukanza huku wapinzani wetu wakipoteana kwa mashaka makubwa sana. Nikaletea pasi moja nzuri sana na nikaanza kukimbia pembenozi mwa uwanja kila beki aliye nifwata alijikuta akishindwa kunizuia, nilipo fika karibu na eneo la kona, nikapika krosi. Kama kawaida ya Pinto akaruka hewani na kupiga kichwa kimoja kizito kilicho ingiza mpira huo golini na sasa tukawa tupo sawa kimagoli na wapinzani wetu.
“Mechi tunashinda hii Ethan”
Pinto alizungumza huku akinikumbatia kwa furaha sana.
“Ndio tunashinda”
“Sikieni bado goli tatu za mwisho”
“Dakika ni ya themanini na mbili”
“Ndio zinatosha, Pinto utacheza nyuma yangu. Wyne Lukas na wengine hakikisheni hakuna anaye panda huko kwetu sawa”
 
“Sawa”
Wapinzani wakaanza mpira, kwa kasi nikamfwata mwenye mpira, katika kukabana ili niuchukue mpira nikampiga kipushi kidogo akaweweseka na kuacha mpira, nikaanza kukimbia kwa kasi yangu yote, nikaanza kumchenga mchezaji wa kwanza, wa pili, wakaja wawili nikawapita, akaja wa tano, nikampita akaja mchezaji wa saba nikampita, kisha nikabaki mimi na kipa tu, kipa akajaribu kinifwata huku akiliacha goli mita kadhaa, nikampiga chenga na kukimbia hadi kwenye mstari wa goli hili nikaukanyaga mpira huku nikiwatazama wachezaji na mabeki wao wanavyo kuja kwa kasi huku wakionekana kujawa na hasira sana. Walivyo nikaribia nikaupiga mpira kwa kisigino na ukaingia nyavuni.
Nikaanza kujipiga kifuani mwangu huku nikirudia ishara za unyanyasaji alio ufanya mfungaji wao mmoja mara baada ya kutufunga goli la kwanza kipindi cha kwanza.
 
Uwanja ukafurika kwa shangwe, timu pinzani wakazidi kunyong’onyea. Wakajaribu kupiga shuti golini, ila kipa akadaka mpira wa kwanza toka tuingie kipindi cha pili. Kipa akapiga mpira mrefu na ukanikuta nipo mita chache kabla sijafika katikati ya uwanja. Nikamtazama kipa wao na kumuona yupo mbele kidogo kutoka lilipo goli lao. Nikapiga shuti moja refu lililo ambaa ambaa hewani kipa akajaribu kurudi nyuma ili kuunyaka mpira huo ila akajikuta akichelewa na mpira ukaingia golini.
Nikasimama sehemu hii hii na wachezaji wazangu wote wakanifwata na kunikumbatia, kwani magoli kama haya yanafungwa na wachezaji wachache sana duniani.  Hadi tunafika mwisho wa mechi hii, tukaibuka na magoli saba huku nami nikiwa nimefunga magoli manne na nikakabidhiwa mpira ikiwa nikama pongezi ya kufunga magoli zaidi ya matatu.
 
“Hongera sana Ethan”
“Asante kocha”
Tukakumbatiana na kocha kwa muda kidogo kisha tukaendelea kushangilia upande wa mashabiki wetu. Waandishi wa habari kadhaa wakanifwata kwa ajili ya kunihoji maswali mawili matatu.
“Ethan unazungumziaje goli lako la mwisho ulilo funga”
“Nimoja ya goli la ndoto yangu, nilitamani siku moja nifunge vile na nikafanikiwa”
“Kwa sasa wewe ndio mchezaji unaye ongoza kwa goli nne, je utazidi kupanda au utabaki hapo hapo?”
“Hayo yote ni ya kumuachia mwenyezi Mungu, unajua mpira unaweza kusama unapanda na kesho ukapata majeruhi na ukashindwa kufanya chochote”
“Hongereni sana kwa mchezo mzuri ulio uonyesha natimu yako”
“Tunashukuru”
Nikasogea pembeni na wachezaji wengine wakaendelea kuhojiwa na waandishi mbalimbali. Pinto akanimwagia maji ayaliyomo kwenye chupa aliyo ishika na kunifanya nifurahi.
“Hongera kaka”
“Asante”
 
“Sikutarajia kama inaweza kuwa hivi”
“Yaa tumefanya kazi nzuri hata wewe hongera”
Nikaanza kutembea kueleeka kwenye vyumba vya kubadilishia nguo, mashabiki wakazidi kunishangilia kila nilipo pita. Mechi yetu ya leo unaweza kusoma ni kama fainali kwani tunafuraha kubwa sana.
“Kaeni tupige picha”
Nilizungumza huku nikiishika simu yangu, tukapiga picha kadhaa na timu nzima.
“Ethan”
Kocha aliniita huku akinitazama”
“Ndio kocha”
“Kuna pongezi”
“Kutoka wapi?”
“Kwa baba mkwe wako, ametwitte kupitia akaunti yake hii hapa”
Kocha alinionyesha ujumbe wa baba Camila aliio uweka kupitia akaunti yake ya Twitter. ‘Ni furaha kuwa na mkwe kama Ethan, naamini mwanangu hajakosea kuwa naye. Hongera sana Ehan Klopp na hongereni sana shule ya CJD Christophorusschule K√∂nigswinter’
 
Nikajisikia kufarijika sana mara baada ya kusoma ujumbe huu wa baba mkwe wangu ambaye yupo katika kampeni za kugombania uraisi wa nchi hii kupitia chama cha Social Democratic Party of Germany(SPD) na kama atashinda basi atatawala nchi hii kwa miaka mitano ya mwanzo kabla ya uchaguzi kufanyika tena.
“Shukrani kocha kwa kunionyesha”
“Asante nawe pia. Jamani tukitoka hapa inabidi kuelekea hospitali kwenye kumuona rafiki yetu Frenando sawa jamani?”
“Sawa kocha”
Tukaingia kwenye mabafu na kuanza kuoga huku tukiwa tumejawa na furaha. Tukavaa nguo tulizo kuja nazo na safari ya kuekejea hospitalini ikaanza huku basi letu likipata uzindikizwaji wa pikipiki moja polisi. Simu yangu ikaanza kuita na kwa bahati nzuri ni namba inayo toka nchini Tanzania, nikaipokea kwa haraka huku nikiwa na shauku ya kuisikia sauti ya Camila. Camila akaanza kwa kunipatia mabusu mototomo ambayo yaliyo ufanya mwili wangu wote kusisimka kimahaba.
 
“Nakupenda sana Ethan wangu”
“Nakupenda pia mpenzi wangu”
“Yaani sikuamini kama unaweza kutoa timu yako kidedea hakika sijakosea kuwa nawe Ethan nakupenda sana, tena sana mpenzi wangu na ninakuomba tukimaliza masome unioe”
Camila alizungumza kwa hisia kali sana huku nikihisi machozi yakimwagika.
“Etha nakuomba unioe”
“Nitakua mpenzi wangu”
Kelele za gafla zikaibuka kwenye basi na wachezaji wezangu wakaanza kunifwata kwenye siti niliyo kaa huku basi likifunga breki kali sana na kunisababisha hofu na mashaka makubwa sana kwani sijua ni kitu gani kilicho sababisha dereva kufunga breki za gafla.

==>>ITAENDELEA KESHO
Advertisement
==


Advertisement
Usipitwe na Habari Yoyote. Install Mpekuzi App kwenye Simu Yako Upate Habari Zetu kwa Wepesi Zaidi

==>>... << BOFYA HAPA  Kui Install>>
==

....

===
Tupe Maoni Yako( Matusi Hapana )