Monday, November 5, 2018

Riwaya Kali: POWER - Sehemu ya 26

MWANDISHI: EDDAZARIA G.MSULWA- 0657072588
ILIPOISHIA  
 “Umesahau masharti yetu. Endapo utamueleza mtu yoyote kuhusiana na mimi basi nitakwenda kumuua huyo mtu pasipo huruma ya aina yoyote”
Ethan alizungumza huku mboni za macho yake zikibadilika badilika rangi, mara nyeusi, mara rangu ya blue na akazidi kutisha zaidi, zilipo badilika kuwa rangi nyekundu, huku machozi ya rangi nyekudu yakimwagika usoni mwake jambo lililo nifanya nijawa na woga mkubwa sana na wasiwasi.
“Najua uliniita sana, ila fkila jambo lililotokea kwa sababu ya huyu mwanamke wako. Kwa ajili yake yeye nilazima sadaka ya damu za wanadamu zitolewe ili furaha yako izidi kudumu zaidi na zaidi”
Ethan alizungumza kwa sauti nzito sana iliyo jaa utetemeshi mithili ya radi hadi nikajikuta mimi mwenyeweni nikiogopa sana kwani kila analo lizungumza linasababisha vitu vilivyomo ndani ya hichi chumba kupeperushwa na kuanguka chini.

ENDELEA
“Una maanisha nini?”
Nilizungumza huku nikiwa na wasiwasi mwingi sana. Ethan akaisogelea tv kubwa iliyomo humu chumbani, akainyooshea mkono wa kushoto na ikabadilisha matangazo ya kituo cha ESport niliyo kuwa nikiyatazama na kuonyesha kundi kubwa la wasichana walio valia sare za shule zinazo fanana na sare za shuleni kwa Camila.
“Hawa ni wasichana wezake ambao kwa sasa wapo nchini Somalia”
Ethan alizungumza kwa sauti ya kawaida na kusababisha hali ya upepeo humu ndani kutulia kabisa na hata mingurumo ya radi sikuweza kuisikia tena.
 
“Angalia”
Ethan aliniambia na nikazidi kutazama safari hiyo ya wanafunzi wezake Camila. Gafla basi walilo panda likazingirwa na gari nne ina za pick up zilizo jaa watu wenye silaha huku wakiwa wamevalia vitambaa kichwani huku wakiwa na mavazi ambayo si rasmi. Wakampiga dereva wa basi hilo risasi nyingi sana kisha wakaingia ndani ya basi hilo huku wakiwa na mitutu yao mikubwa ya bunduki.
“Laiti mpenzi wako angekusikiliza haya yasinge wakuta wezake”
“Ila Ethan si uliniambia asiende na hakwenda kweli?”
“Moyo…..Moyo wake ulisha dhamiria na safari ali ighairi mara tu ya kusikia wewe umetekwa, la sivyo angeenda”
Ethna alizungumza kwa msisitizo mkubwa sana.
 
“Naomba basi uwasaidie wasipate matatizo?”
“Kwa kosa hilo la mpenzi wako ni lazima wezake walipe kwa damu zao na hilo tukio linatokea sasa hivi nchini Somalia, na wote wanafunzi kumi na tisa na waalimu wao wanne lazima watauwawa kikatili sana”
Nikashuhudia mwalimu mmoja wa kiume akipigwa risasi kichwani mwake na kuanguka chini.
“Ethan fanya jambo rafiki yangu?”
“Snna uwezo wa kufanya jambo hilo, nimekusaidia ili uweze kuwa na furaha yako kwa maana huyu mwanamke ndio furaha yako laiti angekufa huyu usinge kuwa na furaha maisha yako yote”
“Je na wale wanao hitaji boksi jeusi ni kina nani?”
Mlango ukafunguliwa, akaingia Mery akiwa ameshika kifuko cha rangi ya kaki. Ndni ya sekunde tano kila kitu kikarudi katika hali yake na wala Mery hakuweza kuelewa ni kitu gani kilicho tokea humu ndani. Ethan akanitazama kwa sekunde kadhaa, kisha akapotea.
“Wifi amelala?”
“Yaaa nahisi alichoka na safari”
Mery akaka kwenye kiti kilichopo karibu kitanda hichi.
“Nimekuchukulia kuku wa kuchoma na ndizi za kuchoma kama unavyo penda”
 
“Nashukuru”
“Wifi amka ule”
Tartaibu Camila akaamka huku akipiga miyoyo mingi itokanayo na uchovu mwingi sana.
“Ehee nimechoka jamani”   
“Pole sana mke wangu”
Nilizungumza huku nikimtazama Camila usoni mwake, nikatupia macho yangu kwenye tv hii na kuona maandalizi ya mechi ya timu yangu ambayo inakwenda kuanza muda si mrefu. Nikatamani kumueleza Camila juu ya matatizo ambayo yanawakuta rafiki zake kwa muda huu ila nikashindwa kabisa kwani ataniuliza nimejuaje.
“Samahani kunwa wana usalama kutoka serikalini wanahitaji kuzungumza na Ethan tunaweza kuwaruhusu?”
“Kama ni maswala ya mahojiano waambie wamuache mume wangu ale kwanza”
“Sawa”
 
Daktari akafunga mlango na kutuacha, tukaendelea kula taratibu huku nikimtazama Camila usoni mwake. Mpira ukaanza, huku uwanja ukiwa umemimimika mashabiki wengi sana ambao wengi wao wameshika mabango yanayo nitakia afya njema na nipone haraka ili nirudi uwanjani.
“Watu wanakupenda sana mume wangu”
Camila alizungumza huku akinilisha kipande cha ndizi.
“Kweli”
“Sasa baadae inabidi ufanye mpango uwashukuru watu hao”
“Nitawashukuru vipi dada yangu?”
“Hata kwa kuwaandikia kwenye ukurasa wako wa Twitter”
“Sawa, vipi hali ya mama?”
“Mama yupo na nesi wake nyumbani, bado hali yake ndio ile ile”
“Habari ya kutekwa kwangu anaifahamu?”
“Sikuthubutu kumueleza kwa maana na uzee ule na hali aliyo nayo tungempoteza kabla ya siku zake”
“Sawa dada yangu nashukuru kwa hilo”
“Usijali”
 
Pinto akafunga goli la kwanza na kutufanya wote ndani ya hichi chumba kushangilia kwa furaha. Wachezaji wote wakajipanga mstari mmoja, kisha wakafunua tisheti zao na kila tisheti moja ina herufi moja zilizo anaindikwa ETHAN KLOPP. Nikajikuta nikijawa na furaha kubwa sana. Hadi wanakwenda kipindi cha kwanza wanaongoza goli moja. Walinzi wa wili wa Camila wakaingia chumbani humu.
“Unatakiwa kuondoka madam”
“Kuna nini!!?”
Camila aliuliza huku akiwa amejawa na mshangao mkubwa sana.
“Utakwenda kufahamu ukifika nyumbani, mzee anakuhitaji”
“Likini mpenzi wangu ana umwa jamani”
“Tunalifahamu hili madam ila ni amri kutoka kwa baba yako na hatuna la kufanya”
Camila sura yake dhairi ikaonyesha imejawa na masikitiko makubwa sana, akanitazama huku machozi yakimlenga lenga usoni mwake. Taratibu akaninipsi zangu, kisha akakumbatiana na dada Mery kidogo.
“Kesho pajapo majaliwa ya Mungu nitakuja sawa”
“Sawa mpenzi wangu”
Camila akatoka ndani huku na walinzi wake hao wawili ambao ninawafahamu na wamekuwa wakimlinda toka alipo kuwa shule ya msingi.
“Inabidi na wewe Ethan utafute walinzi”
“Wa nini dada?”
“Kwa ajili ya usalama wako, hembu tazama jinsi ulivyo tekwa, hadi sasa hivi sijajua huko wallikufanya kitu gani hadi kukuachia na kukutupa mbele ya hoteli”
“Usijali dada yangu usiwe na wasiwasi kila jambo litakwenda vizuri”
 
“Lini Ethan, unanipa wasiwasi mwenzio unajua?”
“Nalitambua ila wewe kuanzia leo inabidi uwe na walinzi wa karibu sana ambao watakulinda kila sehemu unayo kwenda”
Nilizungumza kwa msisitizo huku nikimtazama dada Mery usoni mwake.
“Watu walio niteka wanahitaji bosky jeusi, wanasema ni boksi ambalo ni mali yao na baba alilichukua”
“Boski jeusi, ndio lipi?”
“Hata mimi sifahamu hata lipo vipi, nashindwa hata kufahamu ninaanzia wapi kuwatafutia, isitoshe wanasema nisipo wapelekea tu, basi wanaanza kukuangamiza wewe”
“Ohoo Mungu wangu!!!”
“Ndio maana nahiyaji ulinzi uongezwe nyumbani. Maswala ya kwenda kwa shemeji sasa hivi hembu yakatishe kwanza, mimi nitawatafutia hili boksi kisha nitawapelekea”
 
“Ethan naogopa mwenzio”
Taratibu nikamshika dada Mery mkono wake wa kulia huku nikimtazama usoni mwake.
“Nipo kwa ajili yako, siwezi kukuacha wewe na mama mukapata tatizo lolote dada yangu umenielewa?”
Dada Mery alizungumza huku akitingisha kichwa chake akimaanisha kwamba amenielewa.
“Vizuri, naomba umpigie mwanasheria wa familia namuhitaji hapa hospitalini”
“Sawa”
Dada Mery akampigia simu mwanasheria huyu aliye ahidi atafika hospitalini hapa mara baada ya nusu saa. Tukaendelea kuangalia mpira huu,  kusema kweli timu yangu inacheza kwa umoja na mshikamano hadi wanamaliza kipindi cha pili, wakaibuka na ushindi wa goli moja bila.
“Kazi nzuri wamefanya”
“Yaa”
Mlango ukagongwa, nikamruhusu anaye gonga kuingia ndani. Mwanasheria wa familia akaingia ndani, tukamsalimia kutokana ni mzee sana. Akaka kwenye kiti cha pembeni, akaniomba nimsimulie ni kitu gani kilipelekea hadi mimi kutekwa. Nikamueleza kila kitu, kuanzia tulivyo kuwa ndani ya basi na wachezaji wezangu hadi pale nilipo jikuta nipo nchini Russia.
 
“Sasa wao wanahitaji hilo boksi jeusi, unalifahamu kweli?”
Mwanasheria akaka kimya huku akinitazama na macho yanayo maanisha kwamba anafahamu kile nilicho mueleza.
“Tafadhali niambie ukweli unafahamu hilo boski jeusi?”
“Ndio”
Nikashusha pumzi taratibu.
“Ila siwezi kukuambia lipo wapi kwa maana ni hatari sana hilo boksi Ethan”
“Kwa nini ushindwe. Maisha ya dada yangu, yangu na mama yangu yapo kwenye hatari. Walio niteka wanataka hilo boksi. Sema ni wapi lilipo ili tujue tunajitoa vipi kwenye huu mpango”
“Ni jambo la hatari sana kufanya hivyo Ethan. Ukiwakabidhi boksi hilo hakika dunia nzima itakwenda kuangamia kwa ajili yako”
Tukatazamana na dada Mery huku tukiwa na wasiwasi mwingi sana.
“Kivipi?”
“Samaani kwa kuwaingilia. Ninaitwa Agent Thomas. Ninamaswali kadhaa ninahitaji kukuhoji bwana Ethan”
Alizungumza mwanaume mmoja wa kijerumani, huku akituonyesha kitambulisho chake kinacho mtambulisha yeye kama mpelelezi mkuu kutoka katika kitengo cha Bundesnachrichtendienst  (BND).
 
“Bila sahamani”
Nilizungumza huku nikikaa vizuri kitandani.
“Wengine sijui munaweza kutupisha kwa muda”
“Mimi ni mwanasheria wake, kama ni maswala ya kiusalama unaweza kuzungumza nikiwemo nami ndani humu”
Mwanasheria wa familia alizungumza huku akimtazama bwana Thomas. Bwana Thomas akamtazama Mery kwa muda, dada Mery hakuhitaji hata kusemeshwa neno, akanyanyuka na kutoka chumbani humu na kutuacha sisi.
“Ilikuwaje mukatekwa?”
Nikaanza kuwaadisia jinsi basi lilivyo zuiwa na watekaji hao. Mwanasheria kwa ishara ya kidole akanikataza kuzungumzia kuhusiana na bosky jeusi.
“Je ni kitu gani walihitaji kwako hadi wakaamua kukuteka?”
“Hawakunieleza kitu chochote”
“Kweli Ethan?”
“Ndio hawakuniambia kitu cha aina yoyote ile”
“Je unaweza kuwakumbuka sura zao watu hao?”
“Mzee mmoja ninaweza kumkumbuka”
“Unaweza kuingi”
Bwana Thomas alizungumza kwa kutumia kinasa sauti kilichopo mkononi mwake. Akaingia mwana dada aliye valia miwani kubwa kidogo huku mkononi mwake akiwa ameshika laptop.
 
“Unaweza kumuonyesha picha za wale washutumiwa”
“Sawa mkuu”
Akafungua laptop yake kisha akaanza kunionyesha picha za wahalifu mbalimbali, hadi anafika mwisho hapakuwa na picha ya hata mualifu mmoja ambaye nina mfahamu.
“Je unaweza kumuelezea mzee huyo jinsi alivyo?”
“Ndio”
“Ehee muelezee”
Nikaanza kumuelezea mzee huyo jinsi anavyo onekana huku dada huyu akiwa makini katika kumchora kila ninacho kieleza, hadi ninamaliza kumuelezea mzee huyo, huyu dada naye akawa amemaliza na kunigeuzia picha aliyo ichora.
“Yupo hivi”
Nikajikuta nikishangaa sana kwani huyu dada ana kipaji cha hali ya juu, kwani mzee huyo amemtoa vile vile alivyo kuwa amenieleza.
“Ndio”
“Itume hiyo picha makao makuu na msako uanze kufanywa nchi nzima.”
 
“Sawa mkuu”
“Tunashukuru Ethan kwa muda wako, tutakapo kuwa na hitaji lolote basi tutakutafuta na kuzungumza nawe”
“Sawa sawa”
Thomas na dada huyu wakaondoka na dada Mery akaniingia ndani, nikamueleza dada Mery kile kitu ambacho nimehojiwa.
“Hii ishu ni kubwa sana, ndani ya serikali hii na dunia, hilo boksi jeusi linatafutwa. Na mtu pekee ambaye alikuwa anafahamu ni baaba yenu”
“Mbona hunyooshi maelezo, wewe si umesema kwamba unafahamu lilipo boksi hilo?”
“Ninacho fahamu ni njia ya kuweza kulipata boksi hilo seheu lilipo fichwa”
“Ni njia gani?”
Mwasheria akaka kimya kwa muda huku akitazama chini.
“Nakuuliza njia gani?”
“Njia ya kulipata ni wewe Ethan”
Maneno ya mwanasheria huyu yakatuacha mimi na dada Mery midomo wazi kwani sifahamu mimi nina njia gani ikiwa sifahamu hata muonekano wa boksi hilo jeusi.

==>>ITAENDELEA KESHO
Advertisement
==


Advertisement
Usipitwe na Habari Yoyote. Install Mpekuzi App kwenye Simu Yako Upate Habari Zetu kwa Wepesi Zaidi

==>>... << BOFYA HAPA  Kui Install>>
==

....

===
Tupe Maoni Yako( Matusi Hapana )