Saturday, November 10, 2018

Riwaya Kali: POWER - Sehemu ya 29

MWANDISHI: EDDAZARIA G.MSULWA- 0657072588
ILIPOISHIA

Wakaanza kuzungumza maneno ya kiarabu huku mmoja kati ya watu humu sebleni ana tutafsiria, kwamba wanamuomba Mungu kwa sadaka ambayo wanakwenda kuitoa. Simu ya gaidi aliye shika jambia ikaanza kuita, akaipokea na kuiweka sikioni mwake. Akaitikia baada ya muda akairudisha mfukoni mwake.
“ETHAN KLOPP, unatakiwa kuleta boksi jeusi la sivyo vifo vya wasichana hawa wote vitakuwa mikononi mwako”
Baada ya gaidi huyo kuzungumza maneno hayo, video hiyo ikaishia hapo na kuwafanya watu wote sebleni kunigeukia mimi na kunitazama kwa mshangao mkubwa sana.
           
ENDELEA
Butwaa lililo nipata hakika toka kuzaliwa kwangu sina kumbukumbu ni lini liliwahi kunishika. Kila mtu ninaye mtazama ninaona mawenge mawenge ambayo yamenifanya niweke mikono yangu kichwani huku machozi yakinilenga lenga. Camila akanishika mkono wangu wa kulia na tukaanza kuondoka eneo hili na kuingia ndani kwake. Camila akanikumbatia kwa nguvu sana huku machozi yakitumwagika sote.
 
“Ethan”
“Mmmmm”
“Unajua chochote kuhusiana na hili jambo?”
Swali la Camila likaniacha mdomo wazi huku mapigo ya moyo yakizidi kunienda kasi sana. Camila akanitazama kwa muda kidogo kisha akaniomba nilale kitandani kisha akatoka chumbani humu. Nikanyanyuka kitandani kwa haraka, nikatembea hadi kwenye kioo, nikavua shati langu na kuanza kujichunguza sehemu ambayo mwanasheria alizungumza kwamba niliwekewe ramani ambayo itanisaidia kulipata boski hilo. Nikafanikiwa kuiona sehemu hiyo jambo lililo nifanya nijawe na woga mkubwa sana. Mlango ukafunguliwa na akaingia baba Camila. Taratibu akatembea hadi hapa nilipo simama.
“Ethan”
Baba Camila aliniita kwa sauti ya upole huku akikaa kwenye kiti maalumu cha dreasing table hii.
“Naam”
 
“Naomba uniambie mwanangu, kuna nini kinacho endelea kati yako na magaidi?”
Nikakaa kimya huku nikimtazama baba Camila usoni mwake. Nafsi moja inanisukuma nizungumze ukweli, huku nafsi nyingine ikinikataza kuzungumza jambo la aina yoyote.
“Naomba uniambie ukweli mwanangu. Tumeshangazwa sana na magaidi hawa kuweza kukutaja katika hili swala. Kama unafahamu ni wapi lilipo hilo boksi jeusi basi naomba uwapatie ili wale watoto waweze kuwa salama”
“Siwezi”
Nilizungumza kwa hasira huku nikimtazama baba Camila. Nikavaa shati langu na kuanza kutembea kuelekea mlangoni. Baba Camila akaniwahi na kunikamata mkono wangu wa kulia.
 
“Ethan zungumza tu ukweli ili tuweze kukusaidia katika hili. Tambua ninakwenda kuwa raisi. Okoa maisha ya wale wasichana”
“Siwezi kufanya hivyo. Mamilioni ya watu wanakwenda kufa duniani, wakifahamu ni wapi lilipo hilo boksi ni bora wafe hawa. Itatuuma ila si kwenda kuona dunia ikiangamia kwa ajili ya wachache”
Nilizungumza kwa ujasiri sana huku nikimtazama baba Camila usoni mwake. Nikafungua mlango wa chumba hichi na kutoka, nikakutana na Camila kwenye kordo, nikampita kwa kasi pasipo kumsemesha kitu cha aina yoyote.
“Ethan, Ethan”
Camila alainiita huku akinikimbilia, nikakatiza sebleni kwa kasi na kutoka nje na kumfanya Camila naye azidi kunifwata. Nikafika kwenye gari nililo kuja nalo hapa nyumbani, Camila akanishika mkono na kunigeuza kwa nguvu.
 
“Ethan una tatizo gani mpenzi wangu?”
“Siwezi kuaiacha dunia iangamie kwa ajii ya watoto wachache. Acha wale waangamie ili dunia iwe salama”
“Una maanisha nini Ethan mbona sielewi unacho kizungumza?”
Camila aliniuliza kwa mshangao kidogo ambao sikuhitaji kuujali. Nikafungua mlango wa gari na kuingia ndani, Camila naye akaingia ndani ya gari hili na kwa bahati mbaya hatukumkuta dereva.
“Ettha niambie ni nini kinacho endelea, hembu niamini basi mpenzi wangu”
Camila alizungumza huku akinishika mashavu yangu. Nikatazamana naye kwa muda kidogo huku nikiwa ninamwagikwa na machozi usoni mwangu.
 
“Tafadhali Ethan niambie ukweli”
“Hii yote ni kwa ajili yako Camila”
“Kivipi mpenzi wangu”
“Nilifahamu juu ya kutekwa kwa wale wezako, ndio maana nilikumabia usiende kwenye ile nchi. Lengo lao kubwa ilikuwa ni wewe”
Camila akajawa na mshangao mkubwa sana huku akinitazama usoni mwangu.
“Unakumbuka kuna siku nilikupigia simu nikakuambia kwamba usiende Somalia?”
Camila akatingisha kichwa akimaanisha kwamba anakumbuka.
 
“Nilikuwa na maana ya kuzungumza vile ila hukuhitaji kunisikiliza mke wangu, uliamua kwenda huko?”
“Ngoja kwanza Ethan ulijuaje juaje kama nitatekwa?”
Swali la Camila likanifanya nikae kimya, nikakumbuka masharti ya Ethan, kwamba sipaswi kumuambia mtu yoyote juu  ya uhusiano wangu wa kirafiki kati yangu na yeye na kufanya hivyo ni kosa kubwa ambalo yule atakaye fahamu basi ni lazima atakufa.
“Ethan wewe ni nani?”
Camila alizungumza huku uso wake ukianza kujawa na ndita nyingi zinazo ashiria kwamba ana hasira. Taratibu akaanza kuniachia huku akirudi nyumba nyuma hadi akagota kwenye mlango wa gari.
 
“Mimi ni Ethan, kwani umenifaamu leo Camila?”
“Hapana Ethan wewe ni nani, na kwa nini umesema wasichana wale wafe ili dunia iwe salama eheee?”
Camila alizungumza kwa ukalis ana huku akinitazama usoni mwangu.
“Wewe ndio chanzo cha wezako kutekwa Camila na hii yote ni kwaajili ya uhai wako. Mimi sijawahi ona hilo bosky jeusi, ila mwilini mwangu nina ramani ya kuninyesha ni wapi lilipo. Boksi hiyo jeusi limejaa kanuni na mbinu za kutengenezea mabomu hatari ya nyuklia, ambayo hao magaidi wakiweza kuyapata, mamilioni ya watu watakufa duniani”
Nilizungumza huku nikimtazama Camila usoni mwake.
“Wanatumia kigezo cha wasichana hao ili niweze kuwapatia hizo kanununi za kutengezea mabomu ya nyuklia.”
“Wewe hizo kanuni umezitolea wapi?”
 
“Ehhee?”
“Umezitolea wapi?”
“Babu yake mzee Klopp ndio alikuwa muanzilishi wa hizo kanununi, alikuwa ni genius wa kutengeza mabomu ya nyuklia katika utawala wa Adolf Hitler. Si serikali inayo paswa kuwa na mabomu hayo, bali haitakiwi mtu yoyote kuwa na mabomu hayo mke wangu”
Camila alizungumza huku akishusha pumzi taratibu. Nikavua shati langu na kumgeukia Camila, nikamuonyesha sehemu hii ambayo nimehifadhiwa ramani hii.
 
“Hapa ndipo nilipo hifashiwa ramani ya kuniwezesha kufahamu lilipo hilo boksi jeusi mpenzi wangu. Tafadhali ninakuomba hii siri usimueleze mtu wa aina yoyote. Endapo utanisaliti katika hili naapia kwa mwenyezi Mungu, haki ya Mungu sinto kwenda kukusamehe kamwe sawa Camila?”
Nilizungumza kwa msisitizo huku nikimtazama Camila usoni mwake. Camila hakunijibu chochote zaidi ya kunikodolea macho tu, jambo ambalo kidogo likaanza kunipa wasiwasi naye.
“Siwezi kuachia hii fomula kwenye maisha yangu. Sitaki dunia iweze lia kwa ajili yangu. Sitaki dunia iangamie kwa ajili yangu. Tafadhali nakuomba unielewe hilo jambo Camila”
“Kwa hiyo unahitaji marafiki zangu wafe kwa ajili ya dunia si ndio?”
“Ndio”
 
Camila kwa haraka akashuka kwenye gari hili na kuubamiza mlango kwa nguvu. Akaanza kutembea kuelekea ndani, nikamshuhudia akiingia ndani, nikashusha pumzi taratibu huku nikiwa nimejawa na mawazo mengi sana. Baada ya dakika kama mbili nikawaona walinzi zaidi ya kumi wakilizunguka gari hili huku wakiwa wameshika bastola mikononi mwao. Nikamuona Camila na wazazi wake wakitoka ndani mwao huku wakishuhudia tukio hili. Mlinzi mmoja akaniamrisha kushuka ndani ya gari, nikamtazama Camila kwa macho makali sana kwa maana yeye ndio mtu aliye kwenda kutoa siri hii. Nikafungua mlango kwa nguvu na walinzi wawili wakanivamia huku mmoja akanipiga mtama na kuniangusha chini. Nipigwa pingu mikononi mwangu huku mikono ikiwa imerudishwa nyuma.
Camila akanifwata hadi hapa nilipo lazwa chini kama muhalifu mkubwa.
“Siwezi kuwaacha rafiki zangu wafe kwa ajili yako. Mpelekeni na muhakikishe kwamba anazungumza ni wapi lilipo hilo boski sawa?”
 
“Sawa madam”
Sikuamini kama Camila anaweza kubadilia kiasi hichi. Camila si wakutoa amri ya namna hii.
“CAMILAAAAA CAMILAAAA”
Niliita huku machozi yakinimwagika usoni mwangu, walinzi hawa wakaanza kunipeleka mpute mpute hadi kwenye moja ya chumba chenye kiti kimoja tu. Nikaufunga miguu yangu na mikono yangu kwenye kiti hichi, mlinzi mmoja mwenye mwili mkubwa kiasi, akavua koto lake la suti, akakunja mikono na shati lake jeupe huku akinitazama usoni mwangu.
“Lipo wapi boksi jeusi?”
Mlinzi huyu aliniuliza kwa sauti nzito kama vile hanifahamu kabisa. Akanitandika kofi zito la shavu na kunifanya nihisi maruwe ruwe kwani toka kuzaliwa kwangu sijawahi kukutana na kofi zito kama hili.
 
“Ni wapi lilipo boksi jeusi?”
“Sifahamu”
“Akanitandika makofi mawali mfululizo hadi macho yakapata kiza kidogo”
“Sifahamu”
Nilijikaza kuzungumza, mlango ukafunguliwa, akaingia Camila huku akiwa ameongozana na mwananume mmoja aliye shika kibegi kidogo chenye msalaba mwekundu.
“Dokta angalia mgongoni mwake”
Camila alizungumza huku akinikazia macho usoni mwake. Damu zinazo nichuruzika pembeni ya mdomo wangu zikanifanya nizidi kumchukia Camila.
“Wapi?”
Daktari huyu alizungumza na kumfanya kamila kuzunguka nyuma ya mgongo wangu.
“Hapana”
 
Akanigusa sehemu ambayo ndio nilifanyiwa upasuaji na kuhifadhiwa ramani hii ya siri. Daktari huyu akafungua kibegi chake, kisha kisha akatoa bomga la jipya la sindano na kuvuta dawa ya ganzi na kunichoma katika sehemu hiyo.
“Kwa nini unafanya hivi Camila”
“Funga kinywa chako Ethan, nimesha kuambia siwezi kuwaacha marafiki zangu wafe kwa ajili yako”
“Kwa hili sinto kusamehe Camila”
“Potelea pote, maisha ni muhimu kuliko mapenzi”
Camila alizungumza kwa dharau huk nikihisi ninavyo pasuliwa sehemu hiyo ya mgongoni mwangu.
“Mbona hakuna kitu?”
Daktari alizungumza mara baada ya kunifanyia upauaji huo.
“Hembu angalia vizuri?”
“Hakuna kitu cha aina yoyote humu ndani, si unajionea mwenyewe”
“Mchane zaidi”
Camila alizungumza bila ya huruma yoyote.  Daktari akatii amri hiyo na kuendelea kunifanyia upasuaji huu ambao ni batili kwa upande wangu, kwani sikurishia kufanyiwa hivi. Baada ya dakika kama mbili hivi daktari  akatoa jibu kile like kwamba hakuna kitu chochote alicho kiona nyuma ya mgongo wangu.
 
“Shiittii wewe nguruwee zungumza ni wapi ilipo ramani”
Camila alizungumza huku akinishika mashavuni mwangu na kunigandamiza mashavu yangu kwa vidole vyangu. Nikatabasamu kwa dharau huku nikimtazama usonii mwake, kama amekosa kuona sehemu hiyo basi hata mimi mwenyewe sifahamu ni sehemu gani ambayo hiyo ramani imefichwa. Camila akanitatika makofi kadhaa kusoni mwangu pasipo kuangalia ni wapi anapiga kwani, makofi mengine yametua usoni mwangu.
“Sema Ethan ni wapi ilipo ramani”
Camila alizungumza kwa hasira huku akilia. Akaanza kunitingisha tingisha mwili wangu mzima hadi akasababisha kiti hichi nilicho kualia kikaanguka.
“Mnyanyueni”
Camila aliwaambia walini wake, wakaninyanyua na kiti changu kizima na kukalishwa sawa.
 
“Camila ni miaka mingapi mimi na wewe tumefahamiana. Ni miaka mingapi mimi na wewe tumekuwa pamoja, ni miaka mingapi tumeishi mapomoja na kufanya mambo mengi pamoja. Leo hii utu wangu haupo, leo hii sina dhamani kabisa mbele yako si ndio?”
Nilizungumza kwa upole sana huku machozi yakinimwagika usoni mwangu.
“Yote yametokea kwa ajili yako wewe uwe hai, kwa nini lakini. Unanihukumu kwa vitu ambayo havina msingi”
“Nyamaza”
Camila alizungumza huku akinitandika kofi jengine la sikuo la upande wa kushoto. Mwili mzima wa Camila umebadilika rangu na kuwa mwekundu.
“Nilikupenda mtu mweusi nikiamini kwamba una roho mbaya. Unakuja kuniambia kwamba eti niache wezangu wafe kwa ajili ya dunia. Sitaki kujua dunia ina nini, dunia ina mambo gani. Ninacho taka ni rafiki zangu wawe hai”
Camila alizungumza huku akiendelea kulia kwa uchungu sana.
 
“Camila mimi sifahamu ni wapi lilipo boksi hilo”
“Ethan usitake kujua nina roho mbaya kiasi gani, ninataka boksi jeusi ili wezangu wakaokolewe”
“Sifahamu ni wapi lilipo hilo boksi”
“Ufahamu si ndio?”
“Ndio”
Camila akatoa simu yake mfukoni na kuniwekea video inayo onyesha dada Mery akiwa amewekwa chini ya ulinzi mkali huku macho yake yakiwa yamefungwa na kitambaa cheusi.
“Dada yako yupo njiani analetwa hapa. Haki ya Mungu usipo nieleza ukweli Ethan ninakwenda kumuua mbele yako, sinto jali wewe ni mtu ninaye mpenda au laa. Ila nilazima nitamuua”
 
Camila alizungumza kwa msisitizo na kunifanya nizidi kuchanganyikiwa, kiasi cha kuzidi kumchukia Camila. Hazikupita hata dakika tano dada Mery akaingizwa ndani humu, akasukumizwa chini huku mikono yake ikiwa imefungwa na kamba.
“Ethan ni wapi lilipo boksi jeusi?”
Camila alizungumza huku akikabidhiwa bastola na mmoja wa walinzi wake. Camila akaielekeza bastola hiyo  kweye paja la dada Mery.
“Wifi”
Dada Mery aliita huku akijaribu kuangaza angaza ilipo simama Camila. Mlio wa risasi ukanifanya nilie kwa nguvu sana, kwani risasi hiyo imempiga dada Mery kwenye japa la mguu wake wa kulia na kumfanya agaregare chini kwa maumivu makali sana.

==>>ITAENDELEA KESHO
Advertisement
tang
==


Advertisement
Usipitwe na Habari Yoyote. Install Mpekuzi App kwenye Simu Yako Upate Habari Zetu kwa Wepesi Zaidi

==>>... << BOFYA HAPA  Kui Install>>
==

....

===
Tupe Maoni Yako( Matusi Hapana )