Thursday, November 22, 2018

'Waliomuua' Dr Mvungi Waachiwa huru, Wakamatwa Tena

Mahakama Kuu Kanda ya Dar Es Salaam, imewaachia huru watuhumiwa sita wanaodaiwa kumuua kwa makusudi aliyekuwa Mjumbe wa Tume ya Mabadiliko ya Katiba, Dk. Sengodo Mvungi.

Washtakiwa hao wameachiwa huru leo baada ya Mkurugenzi wa Mashtaka nchini (DPP), kuomba kuondoa shtaka hilo kwa kuwa hawana nia ya kuendelea nalo.

Jamhuri ikiwakilishwa na Wakili wa Serikali Mwandamizi, Nasoro Katuga, aliwasilisha maombi hayo na mahakama ikakubali kuwaachia washtakiwa hao huru.

Baada ya kuachiwa huru walikamatwa tena na kupelekwa Mahakama ya Kisutu kwa ajili ya kusomewa mashtaka mapya ya mauji ya Dk. Mvungi.

Washtakiwa ni Msigwa Matonya, Mianda Mlewa, Paulo Mdonondo, Longishu Losindo, Juma Kangungu na John Mayunga.

Washtakiwa wanadaiwa kutenda makosa hayo Novemba 3 mwakasisi 2013 maeneo ya Kibwerenge Msakuzi maeneo ya Mbezi.
Advertisement
==


Advertisement
Usipitwe na Habari Yoyote. Install Mpekuzi App kwenye Simu Yako Upate Habari Zetu kwa Wepesi Zaidi

==>>... << BOFYA HAPA  Kui Install>>
==

....

===
Tupe Maoni Yako( Matusi Hapana )