Pakua App Yetu Playstore
<< BOFYA HAPA>> Kui Install

Tuesday, December 18, 2018

Waziri Mkuu Majaliwa ampongeza Sheikh Mkuu na Mufti wa Tanzania, Sheikh Aboubakary Zuberi

Waziri Mkuu Kassim Majaliwa amesema kwa kipindi cha miaka mitatu ya uongozi wa Sheikh Mkuu na Mufti wa Tanzania, Sheikh Aboubakary Zuberi migogoro ya misikiti imepungua.

Licha ya kupungua huko Waziri Majaliwa amemtaka Sheikh huyo aongeze bidii, ubunifu na kasi kubwa ili afanikishekumaliza migogoro yote inayokabili misikiti nchini.

Akizungumzia umuhimu wa dini Waziri Majaliwa amesema uwepo wa dini mbalimbali nchini ni muhimu  kwa kuwa umesaidia kuunga mkono jitihada mbalimbali za serikali katika kuhakikisha nchi inasonga mbele.

Waziri Mkuu amesema hayo jana Desemba 17, jijii Dar es Salaam katika maadhimisho ya miaka 50 tangu kuaanzishwa kwa Baraza Kuu la Waislam Tanzania (Bakwata).

Alisema kila dini kwa imani zao wanasaidia kutekeleza mambo ambayo kikawaida yangetakiwa kufanywa na serikali.

Akizungumzia sekta ya Afya alisema vituo vya kutoa huduma za afya nchini vimejengwa na taasisi za dini.

“Katika elimu taasisi za dini zikiwamo za waislamu zimejenga vyuo na shule ambazo zinafundisha kuanzia elimu yachekechea. Zimejenga watu wengi wamekuwa na maadili mema ya kujua umuhimu wa uzalendo na mshikamano tangu walipokuwa wadogo,” Alisema na kuongeza.

“Hata utulivu uliopo nchini ni kutokana na dini kuhamasisha amani nchini  kupitia kamati za amani zilizoundwa katika maeneo yote nchini, kupitia makongamano na mikutano yahadhara ya kidini ndio maana hadi leo nchi yetu ina amani kubwa,“ alieleza Majaliwa.
Loading...

Advertisement
Usipitwe na Habari Yoyote. Install Mpekuzi App kwenye Simu Yako Upate Habari Zetu kwa Wepesi Zaidi

==>>... << BOFYA HAPA  Kui Install>>
Mgid
taboola apo chini
hapa
Tupe Maoni Yako( Matusi Hapana )