Pakua App Yetu Playstore
<< BOFYA HAPA>> Kui Install

Wednesday, January 16, 2019

RPC Wankyo awatangazia kiama Trafiki wala rushwa

Askari wa Usalama Barabarani Mkoa wa Pwani, wametakiwa kufanya kazi zao kwa weledi na kuacha kuomba na kupokea rushwa.

Hayo yamesemwa na Kamanda wa Polisi Mkoa wa Pwani, Kamishina Msaidizi Mwandamizi, Wankyo Nyigesa wakati akizungumza na askari wa kikosi cha usalama barabarani wilayani Kibaha mkoa wa Pwani.

Amesema kuwa kumekuwepo na malalamiko kwa baadhi ya askari wa usalama barabarani kujihusisha na vitendo vya kuomba na kupokea rushwa jambo ambalo limekuwa likichafua taswira ya Jeshi la Polisi.

“Katika kipindi cha uongozi wangu nitakuwa mkali na sitosita kuchukua hatua kwa askari yeyote atakayebainika kuomba na kupokea rushwa kutoka kwa madereva,”amesema Wankyo

Aidha Wankyo, amewataka askari hao kuzingatia utoaji wa huduma bora kwa wateja wanaowahudumia kila siku na kuacha vitendo vya malumbano na majibu yasiyozingatia utu kwa wale wanaowahudumia katika barabara.

Hata hivyo, amewaasa madereva wanaoingia ndani ya mkoa wa Pwani kuzingatia sheria za usalama barabarani na wale watakaokaidi kutii sheria hizo watachukuliwa hatua kali za kisheria.
Advertisement
==


Advertisement
Usipitwe na Habari Yoyote. Install Mpekuzi App kwenye Simu Yako Upate Habari Zetu kwa Wepesi Zaidi

==>>... << BOFYA HAPA  Kui Install>>
Loading...
==

....

===
Tupe Maoni Yako( Matusi Hapana )