Pakua App Yetu Playstore
<< BOFYA HAPA>> Kui Install

Wednesday, February 13, 2019

Kangi Lugola aagiza mkurugenzi kampuni ya Ortello Business Cooperation(OBC) ya Falme za Kiarabu kukamatwa

Waziri wa Mambo ya Ndani, Kangi Lugola ameagiza mkurugenzi wa kampuni ya wawekezaji kutoka falme ya Kiarabu ya Ortello Business Cooperation(OBC), Isack Mollel kukamatwa kwa tuhuma za kuwaingiza nchini  wafanyakazi wa kigeni bila kufuata taratibu.

Lugola ametoa agizo hilo leo Jumatano Februari 13, 2019  katika mkutano wake na waandishi wa habari jijini Arusha.

Amemuagiza kaimu Kamanda wa Polisi Mkoa wa Arusha, Longinus Ribishumbwamu kumsaka mkurugenzi huyo kabla hajamaliza ziara yake jijini Arusha.

Amesema mkurugenzi huyo alitakiwa kujisalimisha polisi tangu wiki iliyopita sambamba na wafanyakazi 10 wa kampuni hiyo, waliokuwa wameingia nchini kinyume cha sheria ambao tayari wamefikishwa mahakamani na kesi yao itatajwa tena Februari 22, 2019.

"Kazi ambazo walikuja kufanya wafanyakazi hao zinaweza kufanywa na Watanzania hivyo kisheria hawakupaswa kuja nchini kufanya bila kufuata utaratibu,” amesema.
Loading...

Advertisement
Usipitwe na Habari Yoyote. Install Mpekuzi App kwenye Simu Yako Upate Habari Zetu kwa Wepesi Zaidi

==>>... << BOFYA HAPA  Kui Install>>
Mgid
taboola apo chini
hapa
Tupe Maoni Yako( Matusi Hapana )