Pakua App Yetu Playstore
<< BOFYA HAPA>> Kui Install

Monday, February 25, 2019

Kasi ya Mimba za Utotoni Yamtisha Makamu wa Rais

Na Tiganya Vincent
Makamu wa Rais wa Jamhuri ya Muungano wa Tanzania Mhe.Samia Suluhu Hassan ameshtushwa na idadi ya watoto wa kike wanaopata mimba mkoani Tabora na kuagiza hatua za kuzuia tatizo zichukuliwe.

Alisema idadi ya mimba za utotoni imengezeka kutoka 21,889 mwaka 2017 hadi mimba 27,390 mwaka 2018.

Makamu wa Rais alitoa kauli hiyo juzi wilayani Kaliua katika mkutano wa hadhara uliofanyika katika uwanja vya Kolimba.

Alisema kasi ya uwepo wa mimba za utotoni ni kubwa na haikubali na kutaka viongozi mkoani Tabora kubadilisha hali hiyo na kuwataka  wazazi wajitahidi kuwalinda watoto wao.

Makamu wa Rais alieleza kuwa wakati mwingine wazazi hawajitokezi kutoa ushahidi pale inapojulikana watoto wao wamepata ujauzito na kwamba na kuongeza kuwa vitendo hivyo ni kuwakatili maisha yao.

Alisema kuwa hatua za makusudi zisipochukuliwa kuna uwezekano wa kuwa na  wataalamu wa kike wachache kwa sababu ya kushindwa kutimiza ndoto zao.

Makamu wa Rais alipongeza maandamano yaliyofanywa mkoani Tabora katika kukemea na kudhibiti mimba za utotoni akisema anatambua jitihada zinazofanywa na mkoa kudhibiti hali hiyo.

Aliagiza jitihada zaidi ziongezwe kwa vile kuna ongezeko kubwa la mimba za utotoni mkoani Tabora.

Makamu wa Rais anaendelea na ziara yake Mkoani Tabora na ametembelea wilaya za Igunga,Nzega,uyui na Kaliua.
tangazo
Loading...

Advertisement
Usipitwe na Habari Yoyote. Install Mpekuzi App kwenye Simu Yako Upate Habari Zetu kwa Wepesi Zaidi

==>>... << BOFYA HAPA  Kui Install>>
Mgid
taboola apo chini
hapa
Tupe Maoni Yako( Matusi Hapana )