Pakua App Yetu Playstore
<< BOFYA HAPA>> Kui Install

Friday, February 22, 2019

Mawaziri Saba Watua Manyara Kutatua Migogoro Ya Ardhi

MAWAZIRI saba wametembelea Kijiji cha Kimotorok Wilayani Simanjiro Mkoani Manyara kwa ajili ya kutatua mgogoro wa ardhi baina ya wananchi wa eneo hilo na hifadhi ya Taifa ya Tarangire na pori la akiba la Mkungunero. 
 
Pia mawaziri hao wamesikiliza mgogoro wa ardhi wa kijiji cha Irkushbor cha wilayani Kiteto na hifadhi ya Taifa ya Tarangire na pori la akiba la Mkungunero. 
 
Mwenyekiti wa mawaziri hao, William Lukuvi ambaye ni Waziri wa Ardhi, Nyumba na Maendeleo ya Makazi, William Lukuvi amesema wametumwa na Rais John Magufuli kusikiliza mgogoro huo. 
 
Waziri Lukuvi alisema baada ya kupokea mapendekezo ya namna ya kumaliza mgogoro huo kutoka pande zote watafikisha suala hilo kwa Rais Magufuli ili atoe maamuzi. 
 
Alisema wamepokea maoni kutoka kwa wananchi wa vijiji hivyo, viongozi wa serikali ngazi ya mkoa na wilaya, wabunge, hifadhi ya Taifa ya Tarangire na pori la akiba la Mkungunero. 
 
“Baada ya kupokea mapendekezo haya kwa njia ya maandishi na maoni ya mdomo tumeandika na tutayapeleka kwenye kikao cha Baraza la Mawaziri na kisha aliyetutuma atayatolea maamuzi,” alisema Lukuvi. 
 
Mawaziri saba waliofika Simanjiro ni Lukuvi, Waziri wa Tamisemi, Selemani Jafo, Waziri wa Maji, Profesa Makame Mbarawa, Waziri wa Mifugo na Uvuvi, Luhaga Mpina, Waziri wa Ulinzi na Jeshi la Kujenga Taifa, Dk Hussein Mwinyi, Naibu Waziri wa Kilimo Omary Mgumba na Naibu Waziri wa Nchi, Ofisi ya Makamu wa Rais (Muungano na Mazingira), Mussa Sima. 
 
Akizungumza mbele ya Mawaziri hao saba, Mnyeti alisema amekagua nyaraka zote zilizopo kwenye mkoa huo lakini hajakuta sehemu inatamkwa kuwa pori la akiba la Mkungunero lipo Manyara. 
 
Mnyeti alisema baadhi ya wafugaji wa kijiji cha Kimotorok wilayani Simanjiro na Irkushbor wilayani Kiteto wanafukuzwa mara kwa mara na wakanyang’anywa mifugo yao zaidi ya 600. 
 
Mbunge wa jimbo la Simanjiro, James Ole Millya alisema wananchi hao wamenyanyasika vya kutosha kwani kila wakati wanafukuzwa na kuambiwa wapo hifadhini.
 
Ole Millya alisema ni wakati sahihi wa kuweka mpaka ili ijulikane mwisho wa wafugaji hao na hifadhi ya Taifa ya Tarangire na pori la akiba la Mkungunero, kuliko mpaka wao kusogezwa kila wakati. 
 
“Kwa sababu mmekuja na helkopta mnaweza kupita juu na kuona mifugo yetu ng’ombe na mbuzi zinachungwa pamoja na wanyamapori wakiwemo tembo, pumbamilia, swala na nyumbu sisi wamasai ni wahifadhi wazuri,” alisema Ole Millya. 
 
Diwani wa kata ya Loiborsiret Ezekiel Lesenga (Mardad) alimshukuru Rais John Magufuli kwa kuwajali na kuwatetea wafugaji na wakulima nchini. 
 
Mardad alisema hivi sasa wafugaji na wakulima wa eneo hilo wanalishia mifugo yao na kulima sehemu ambazo walikuwa wanazitumia miaka iliyopita kabla ya kuondolewa kwa kudaiwa wapo sehemu ya hifadhi ya Taifa ya Tarangire na pori la akiba la Mkungunero.
tangazo
Loading...

Advertisement
Usipitwe na Habari Yoyote. Install Mpekuzi App kwenye Simu Yako Upate Habari Zetu kwa Wepesi Zaidi

==>>... << BOFYA HAPA  Kui Install>>
Mgid
taboola apo chini
hapa
Tupe Maoni Yako( Matusi Hapana )