Pakua App Yetu Playstore
<< BOFYA HAPA>> Kui Install

Thursday, February 21, 2019

Rais Yoweri Museveni kugombea tena urais mwaka 2021

Chama tawala cha National Resistance Movement (NRM) nchini Uganda kimemteua Rais Yoweri Kaguta Museveni kuwa mgombea wake wa urais katika uchaguzi wa mwaka 2021.

Hiyo ina maana ya kuwa, kiongozi huyo mwenye miaka 74, na aliyeingia madarakani kwa mtutu wa bunduki mwaka 1986, atagombea urais kwa muhula wa sita. 

NRM kimekubali, katika kikao kilichoongozwa na Museveni jana kuwa aendelee na urais uchaguzi utakapofanyika mwaka 2021.

Miaka ya nyuma, Museveni aliwahi kusema kuwa, viongozi ‘wanaodumu’ madarakani ndio chanzo cha matatizo barani Afrika. 

Hata hivyo, wakati akigombea muhula wa tano wa madaraka mwaka 2016, alisema kuwa huo haukuwa muda muafaka kwake kuondoka madarakani kwani bado alikuwa na kazi ya kufanya.

Ugombea wake katika uchaguzi ujao unakuja baada ya kusaini kuwa sheria muswada ambao uliondoa ukomo wa urais wa miaka 75. 

Hata hivyo, kupitishwa kwa muswada huo bungeni kuligubikwa na vurumai kubwa kutokana na kupingwa na wabunge wa upinzani.

Ilifikia mahala makonde yalirushwa ndani ya Bunge baina ya wabunge wa upinzani na maafisa usalama ambao wanaaminika ni kutoka kikosi cha ulinzi wa rais.
tangazo
Loading...

Advertisement
Usipitwe na Habari Yoyote. Install Mpekuzi App kwenye Simu Yako Upate Habari Zetu kwa Wepesi Zaidi

==>>... << BOFYA HAPA  Kui Install>>
Mgid
taboola apo chini
hapa
Tupe Maoni Yako( Matusi Hapana )