Friday, February 8, 2019

Serikali Yazitaaka Halmashauri Kuwa Na Mpango Mkakati Wa Kutenga Fedha Za Ujenzi Ya Mabweni Ya Wasichana Ili Kupunguza Mimba

Na.Faustine Gimu Galafoni,Dodoma.
 Serikali imezitaka halmashauri kote nchini   kuwa na mpango mkakati wa  kutenga fedha za mapato ya ndani  kwa ajili  ya  bajeti ya ujenzi wa mabweni  ya watoto wa kike    ili kupunguza tatizo  la Mimba kwa watoto wa kike  hapa nchini.
 
Hayo yamesemwa leo  Februari 8 bungeni Jijini Dodoma na Naibu waziri wa Nchi, Ofisi ya Rais,Tawala za Mikoa na Serikali za Mitaa(TAMISEMI) Mwita Waitara wakati akijibu Swali la mbunge wa jimbo la  Rombo [CHADEMA] Joseph Selasini aliyetaka kujua kwanini serikali isiagize halmashauri kujenga mabweni kwa lazima na si hiari  ili kuepusha watoto wa kike kupata mimba na kukatiza ndoto zao.
 
"Mimba za watoto mashuleni ni jambo la aibu kwelikweli na sisi kama wazazi lazima tulichukulie very serious .Kama tulivyoanza program ya kujenga madarasa shule za kata ,kwanini serikali  isiagize yajengwe mabweni  na si kwa hiari kwa sababu hawa watoto wanapata mimba kutokana na njaa hawa bodaboda"

Akijibu swali hilo ,Naibu waziri wa TAMISEMI Mwita Waitara  amesema jambo la kujenga mabweni hususan ya watoto wa kike  ni la lazima hivyo amezitaka halmashauri kutenga fedha kwa ajili  ya mabweni  hasa katika mwaka huu wa uandaaji wa bajeti za halmashauri.

Bunge la 11 mkutano wa 14 kikao cha 10 hati mbili zimewasilishwa ambazo ni hati ya   fedha No.1kwa nusu  ya kwanza 2018/2019, na ile ya uhamilishaji fedha No.2 nusu ya kwanza 2018/2019  na  tamko la mapitio ya fedha nusu ya kwanza 2018/2019 huku jumla ya maswali 14 yakiulizwa na kujibiwa na wizara husika.



Advertisement
==


Advertisement
Usipitwe na Habari Yoyote. Install Mpekuzi App kwenye Simu Yako Upate Habari Zetu kwa Wepesi Zaidi

==>>... << BOFYA HAPA  Kui Install>>
==

....

===
Tupe Maoni Yako( Matusi Hapana )