Pakua App Yetu Playstore
<< BOFYA HAPA>> Kui Install

Sunday, August 4, 2019

Dereva mlevi asababisha kifo cha abiria na kujeruhi mwendesha pikipiki Shinyanga

NA SALVATORY NTANDU
Mtu mmoja ambaye hajafahamikia jina wala makazi mwenye umri kati ya miaka (35-40) amefariki dunia na mwingine kujeruhiwa baada ya pikipiki aliyokuwa amepanda kugongwa na gari aina ya SUZUKI VITALA  lenye namba za usajili T 432 ALT likiendeshwa na Salum Saidi (30) mkazi wa Mwanza.

Kamanda wa Polisi mkoa wa Shinyanga (ACP) Richard Abwao amethibitisha kutokea kwa tukio hilo na kusema kuwa ajali hiyo imetokea jana katika eneo la Ushirika,   barabara ya Shinyanga kuelekea Mwanza, Manispaa na Mkoa wa Shinyanga.

Amesema dereva wa gari hilo  Salum ameumia kifua, aliigonga pikipiki yenye namba za usajili T 295 BSG aina ya kiboko iliyokuwa ikiendeshwa na  Kishimba Sanzago (28) mkazi wa Ibadakuli ambaye ameumia kichwani huku abiria wake akifariki dunia ambaye bado hajafahamika jina wala makazi.

Kamanda Abwao amesema Majeruhi anapatiwa matibabu katika Hospitali ya Rufaa Mkoa wa Shinyanga na mwili wa marehemu umehifadhiwa hospitalini hapo na  chanzo cha ajali hiyo ni ulevi kwa dereva wa gari hilo  na  amekamatwa huku vyombo husika vipo kituoni.
Loading...

Advertisement
Usipitwe na Habari Yoyote. Install Mpekuzi App kwenye Simu Yako Upate Habari Zetu kwa Wepesi Zaidi

==>>... << BOFYA HAPA  Kui Install>>
Mgid
taboola apo chini
hapa
Tupe Maoni Yako( Matusi Hapana )