Je, Unatafuta Kazi au Ajira?
<< BOFYA HAPA>> Kupata Ajira Yako Leo

Sunday, September 1, 2019

Mahakimu Watakiwa Kutoahirisha Kesi Mara Kwa Mara

Lydia Churi-Mahakama Iringa
Mahakimu wametakiwa kusimamia uendeshaji wa mashauri na kuzuia maahirisho ya mara kwa mara ya kesi bila ya sababu za msingi kwa lengo la kuhakikisha kesi zinamalizika kwa wakati Mahakamani.

Jaji Mkuu wa Tanzania Mhe. Prof. Ibrahim Hamis Juma amesema hayo wakati wa kikao cha majumuisho mara baada ya kumaliza ziara ya kikazi ya siku tano katika mikoa ya Iringa na Njombe aliyoifanya kwa lengo la kukagua shughuli za Mahakama pamoja na kubainisha kwa wadau changamoto zilizoibuliwa wakati wa kikao cha Mahakama ya Rufani kilichomalizika leo mjini Iringa.

Jaji Mkuu amewata Mahakimu kutokubali kuahirisha mashauri kwa muda mrefu kwa ajili ya kuandaa maamuzi madogo yanayotokana na pingamizi ambazo nyingi hutumiwa vibaya kwa lengo la kuchelewesha mashauri.

“Maafisa wote wa Mahakama ni jukumu lenu pia kuzipa nguvu za kimahakama vifungu vya sheria zinazolinda haki ya Mwananchi aliye mahabusu kwa kuhakikisha hakuna mwananchi atashikiliwa bila kufikishwa mahakamani ndani ya siku zilizowekwa na sheria”, alisema.

Alitoa rai kwa Mahakimu kutokuwa wepesi kukubali hoja za waendesha mashitaka za kusema kuwa upelelezi bado unaendelea bila ya kufafanua ni kitu gani katika upelelezi bado kinatafutwa na ni kwa muda gani.

“Ni umakini wa Mahakama ndiyo utahakikisha kuwa shughuli za upelelezi haziwanyimi wananchi haki yao ya kikatiba ya kutochelewesha haki yao ya kusikilizwa kesi dhidi yao bila sababu za kimsingi,” alisisitiza Jaji Mkuu.

Akizungumzia dhamana, Jaji Mkuu amesema ni wajibu wa Mahakama kutoa dhamana kwa makosa yenye dhamana kwa kuwa Mahakama ni msimamizi wa haki ya kila mtu kuwa huru na kuishi kama mtu huru.

Alivitaja vigezo vya kutumiwa katika kutoa dhamana kuwa ni pamoja na vitambulisho vya Taifa, na vitambulisho vinavyokubalika. Aliongeza kuwa Mahakama pia ziwaruhusu washtakiwa kujidhamini wenyewe pale Hakimu anapojiridhisha na utambulisho wao kuwa watahudhuria mahakamani.

“Mashauri ambayo washtakiwa wamekosa dhamana yasikilizwe mfululizo, kwa yale makosa yasiyo na dhamana na yako ndani ya mamlaka ya Mahakama, matumizi ya sheria yatumike ili kuyaondosha”, alisema.

Katika kupunguza msongamano magerezani, Jaji Mkuu amesema Maafisa wa Mahakama hawana budi kutumia adhabu mbadala kwa makosa madogo madogo kwa kuzingatia sheria zilizopo.
Loading...

Advertisement
Usipitwe na Habari Yoyote. Install Mpekuzi App kwenye Simu Yako Upate Habari Zetu kwa Wepesi Zaidi

==>>... << BOFYA HAPA  Kui Install>>
Mgid
taboola apo chini
hapa
Tupe Maoni Yako( Matusi Hapana )