Showing posts with label JAMII. Show all posts
Showing posts with label JAMII. Show all posts

Friday, April 20, 2012

HOW TO AUTOMATICALLY POST YOUR BLOG / WEBSITE FEEDS TO TWITTER

There are several ways bloggers or website owners can synchronize their blog/website post updates to social networks via twitter --> facebook (if your twitter account is connected to facebook and allowed to post on your behalf - click here to learn if you don't know yet how to set your tweets to automatically update your facebook wall/page).
 
Picture

In this post, I will outline steps on how to have posts automatically posted on your social networks via web/blog feeds.
  1. You need to have an account with feedburner (it is part of Google, so if you have a gmail account, you will just need to connect with it).
  2. Login into your feedburner and click on the name of the feed from your blog/website
  3. Click on the tab that reads "Publicize
  4. Look on the left column and find the word, "Socialize Publish to the social web" and click on it
  5. Now look on the page and click where it reads Add a Twitter account
  6. Change the options in the remaining boxes per your choices
  7. Scroll down at the bottom of the page and click "Save"

That's all there is to it really, now just continue blogging/posting new stuff in your blog/website and after a few minutes look at your twitter account to see the changes.
HABARI KAMILI..>>>

HOW TO AUTOMATICALLY POST TWEETS FROM TWITTER TO FACEBOK

You can have your tweets automatically posted to your facebook wall or page each time you tweet something new.

You will need to have a twitter and a  facebook account and login in the two accounts at the same time, in the same browser that do not have cookies blocked (for your convenience, making it seamless during the authorization process).

To connect your Twitter account and your Facebook profile:
  1. Log in to the Twitter account you want to associate with your Facebook profile.
  2. Go to your  Settings  menu's Profile tab (click on the half man icon located at the top right of the page). Scroll to the bottom and click Sign in to Facebook and connect your accounts. 
  3. Select privacy settings for who is allowed to see Tweets posted to your Facebook wall. The default is set to public. 

Picture
 
  4.   Click Log in with Facebook and enter your Facebook login credentials.
  5.   Click Allow to accept permissions.
  6.   Your Tweets will now post to your profile Facebook wall and your username will be displayed there as well.

Privacy note: To control who sees your Tweets and username, go to your Facebook Application settings and click Edit for the Twitter app to restrict who can see your Tweets on your Facebook wall.
Picture


How to connect your Twitter account to a Facebook Page:  

If you have a Facebook Fan Page, or are the admin of one, you can post Tweets from your Twitter account to your Facebook Page.
  1. Follow the steps above to connect to your Facebook profile.
  2. In your Twitter profile settings page, Select the page you'd like to connect with (shown below).
  3. When prompted, click to allow permission to post to the selected Facebook Page.

image & instructions via support.twitter.com
HABARI KAMILI..>>>

FILIKUNJOMBE AMCHANA HADHARANI WAZIRI ANAYEONGOZA KUTAFUNA MALI ZA WATANZANIA


Kwenye video iliyopachikwa hapo chini, zingatia kuanzia dakika ya 2:57 na kwenye audio iliyopachikwa hapo, utamsikia mbunge wa Ludewa, Deo Filikunjombe akitamka na kufafanua yafuatayo:
  • Nchi yetu inatafunwa, na sote tunaona na Watanzania wanashuhudia.
  • Wanaofanya nchi yetu iangamie, wanaofanya ubadhirifu huu utokee, ni Mawaziri.
  • Sisi tuliopewa dhamana baadhi yetu siyo waaminifu.
  • Baadhi ya Mawaziri mnafanya maamuzi kwa maslahi binafsi.
  • Nchi hii siyo mali ya CCM, Tanzania ni mali ya Watanzania, sote.
  • Tunajua mnalindana, na huo ulinzi tunajua siyo bure, ingekuwa ni bure msingetoa nguvu za namna hii. Nchi inakufa, nyie mnalindana!
  • Nitamtaja Waziri mmoja, ambaye yeye anaongoza kwenye kutafuna mali za Watanzania. Waziri wetu wa Fedha si Mwaninifu. Waziri Mkullo si Mwaminifu! Aliyelidanganya bunge siyo Zitto Kabwe, aliyelidanganya Bunge ni Waziri wa Fedha.
  • Tunawasingizia watendaji wetu lakini ninyi Mawaziri ndiyo mmegeuka kuwa mchwa.
  • Waziri Mkuu, hatuna imani na baadhi ya Mawaziri wako!
  • Mfano wa mahali fedha zinakoliwa, ni kwenye fedha za Wanafunzi, mfano ni Mkuu wa Chuo cha Mkwawa. Wanafunzi masikini hawasomi, na wanapoandamana kudai haki yao, tunawapiga mabomu. Wanaopaswa kupigwa mabomu wamekaa wametulia maofisini. Aliyetafuna fedha ndiye aliyepaswa kupigwa mabomu. Yule Mkuu wa Chuo aliyetafuna fedha ya wanafunzi ndiye aliyepaswa kupigwa mabomu.
  • Jana mbunge mpya, Nassari amefika ana ripoti zote, lakini Waziri anasema hana ripoti.
  • Kama kuna kosa kubwa tunalolifanya, ni kudhani kuwa Tanzania ni mali ya CCM.


HABARI KAMILI..>>>

DULLY SYKES ATHIBITISHA KUWA HANA MAPOZI


Pamoja na kwamba wasanii wengi wapya kwa sasa ndio wanaongoza kwa kushutumiwa kuwa na na mapozi kwa watu wasiowafahamu Tanzania, Baba wa Bongo Fleva mwimbaji Dully Sykes amedai kuwa  hawezi kumuwekea pozi mtu yeyote kwa sababu ina madhara yake.

Dully amesema “Sauti yangu inafanya vizuri kutokana na watanzania, Mtanzania wa aina yeyote ni rafiki yangu nitamsaidia mtu yeyote nikiwa na kipato kama kuna uwezo, sibagui kabisa kabisa mimi ni rafiki wa kila mtu naongea na kila mtu”

Kuthibitisha kwamba anamaanisha anachokisema, Dully amesema hana tatizo kugawa mawasiliano yake kwa mashabiki, kuanzia kwenye bbm mpaka namba ya simu ambayo ameitenga maalum kwa ajili ya mashabiki zake
HABARI KAMILI..>>>

KAMPUNI YA MAFUTA YA BP YAKUBALI KULIPA FIDIA

Kampuni ya mafuta ya BP imekubali kulipa fidia ya dola za kimarekani bilioni 7.8 kabla ya kesi kufika mahakamani kutokana na watu wanaoishitaki kampuni hiyo kwa sababu ya mafuta yaliyomwagika kutoka kisima cha mafuta cha BP katika ghuba ya Mexico miaka miwili iliyopita na kusababisha
 hasara za kiuchumi na mazingira kwa watu zaidi ya laki moja.

Watu kumi na moja walipoteza maisha huku mamilioni ya mapipa yakimwagika katika pwani ya Marekani baada ya bomba la mafuta kulipuka ambapo Wengi walioathirika ni wavuvi waliokosa kazi.

Bp imesema imetoa fidia lakini haimaanishi kwamba imefanya makosa katika kilichotokea ambapo sasa pia inakabiliwa na mashitaka kutoka serikali ya Marekani na wenye hisa ndani ya kampuni hiyo.
HABARI KAMILI..>>>

TCRA yakanusha vikali uvumi wa kuwepo kwa mionzi kwa watumiaji wa simu za mikononi nchini

Mamlaka ya Udhibiti wa Mawasiliano Nchini (TCRA) imetoa taarifa usiku huu juu ya ujumbe mfupi wa simu uliokuwa ukisambazwa kwa watumiaji wa simu za mikononi hapa nchini uliokuwa ukieleza kuwa ifikapo saa tano usiku (kwa masaa ya Afrika Mashariki) watumiaji wa simu hizo wanatakiwaa kuzizima simu zao kutokana na mionzi ya Sarari moja ambayo ingepita karibu na Dunia na ambayo inasemekana kutokana na mionzi hiyo watu watumiao simu hizo wangeweza kupoteza maisha au kupatwa na madhara makubwa kama wasingekuwa wamezima simu zao.

Mamlaka ya Udhibiti wa Mawasiliano Nchini (TCRA) imekanusha vikali taarifa hizo na kusema taarifa hizo ni za uongo na kuifananisha taarifa hii na ile ya miaka kadhaa iliyopita ilikuwa ikisema kuwa kuwa makini na ujumbe mfupi wa mionzi.

TCRA imewataka wananchi woote na watumiaji wa simu za mkononi nchini,kuzipuuza taarifa hizo kwani hazina ukweli wowote na zimeanzishwa na mtu ambaye hana lengo zuri kwa watumiaji wa simu za mikononi.
HABARI KAMILI..>>>

TAMKO LA KITUO CHA SHERIA NA HAKI ZA BINADAMU KUHUSU WAJUMBE WA TUME YA KUKUSANYA MAONI YA KATIBA MPYA

 Dr. Helen Kijo-Bisimba 
----
Ndugu wanahabari na wananchi kwa ujumla,
Kituo cha Sheria na Haki za Binadamu tumefuatilia kwa makini sana mchakato wa Katiba mpya kuanzia ulipoanza mpaka hapa ulipofikia.

Sote tunafahamu kwamba hatua iliyofikiwa kwa sasa ni kuteuliwa na kuapishwa kwa wajumbe wa tume ya kukusanya maoni juu ya mchakato mzima wa Katiba mpya na namna ambavyo wananchi wangependa iwe.

Tunependa kupompongeza sana Mheshimiwa Rais na Serikali kupitia wizara ya Katiba na Sheria kwa hatua iliyofikiwa mpaka sasa kwenye mchakato mzima.

Tunatoa pongezi kwa uteuzi wajumbe wengi waliobobea katika fani mbalimbali za Sheria, Siasa na Masuala ya kijamii. Tumefurahi kuona kuwa Mheshimiwa Rais amemteua kuwa mwenyekiti wa Tume Jaji Joseph Sinde Warioba ambae tulishaona kazi yake nzuri hususan pale alipoongoza vizuri tume ya Rais iliyohusu masuala ya Rushwa. Tuna imani kuwa ataongoza tume hii kufanya kazi nzuri. 
 
Wajumbe wa Tume hii ni 32 (akiwemo mwenyekiti na makamu) waliapishwa tarehe 13/04/2012.

Wajumbe hao ni kama ifuatavyo;
Mwenyekiti wa Tume ambaye ni Jaji Sinde Warioba na Makamu Mwenyekiti Jaji Mkuu Mstaafu Agustino Ramadhani.Wajumbe wa tume toka Tanzania Bara ni Prof. Mwesiga L. Baregu, Nd. Riziki Shahari Mngwali, Dr. Edmund Adrian Sengodo Mvungi, Nd. Richard Shadrack Lyimo, Nd. John J. Nkolo, Alhaj Said El- Maamry, Nd. Jesca Sydney Mkuchu, Prof. Palamagamba J. Kabudi, Nd. Humphrey Polepole, Nd. Yahya Msulwa, Nd. Esther P. Mkwizu, Nd. Maria Malingumu Kashonda, Mhe. Al-Shaymaa J. Kwegyir (Mb), Nd. Mwantumu Jasmine Malale Na Nd. Joseph Butiku. 2

Wajumbe wengine 15 ni kutoka Tanzania Zanzibar. Wajumbe hao ni Dkt. Salim Ahmed Salim, Nd. Fatma Said Ali, Nd. Omar Sheha Mussa, Mhe. Raya Suleiman Hamad, Nd. Awadh Ali Said, Nd. Ussi Khamis Haji, Nd. Salma Maoulidi, Nd. Nassor Khamis Mohammed, Nd. Simai Mohamed Said, Nd. Muhammed Yussuf Mshamba, Nd. Kibibi Mwinyi Hassan, Nd. Suleiman Omar Ali, Nd. Salama Kombo Ahmed, Nd. Abubakar Mohammed Ali na Nd. Ally Abdullah Ally Saleh.

Mapungufu tunayoyaona;
Kituo cha Sheria na Haki za Binadamu tunaona mapungufu makubwa mawili kwa tume hii

i) Kuwemo kwa mbunge na mjumbe wa baraza la wawakilishi
ii) Uwakilishi finyu wa kijinsia na makundi mengine mfano vijana

Wawakilishi kuwa wajumbe
Kituo hakikubaliani kabisa na uteuzi wa wakilishi wa wananchi (Mbunge na Mjumbe wa Baraza la wawakilishi). Wajumbe hawa ni Mhe. Al-Shaymaa J. Kwegyir (Mb) Tanzania Bara na Raya Suleiman Hamada mwakilishi Baraza la Wawakilishi Zanzibar.

Sababu kubwa za kutokukubaliana na uteuzi wa wajumbe hawa ni kuwa kwanza, hawa watashiriki kama wajumbe wa Bunge Maalumu la Katiba (constituent assembly) kwa hiyo kuna ‘mgongano ulio dhahiri wa kimaslahi’. (kwa mujibu wa vifungu cha 6 na 22 (1) (a) na (b) vya sheria Namba 8 ya Mabadiliko ya Katiba, 2011)

Pili wananchi wanaowawakilisha watanyimwa haki yao ya kuwakilishwa kwa kipindi chote cha miezi 18 mpaka ishirini ambacho tume itafanya kazi kwa mujibu wa sheria.

Tatu, kuna majina mengi ambayo mheshimiwa Rais alipelekewa yenye sifa za kutosha angeweza kuwateua. Kulimbikiza kazi nyingi kwa watu wale wale si afya kwa demokrasia.

Uwakilishi finyu wa kijinsia na makundi mengine
Katika tume hii tumeona kuna uwakilishi finyu sana wa makundi kwa mfano wanawake wako 10 kati ya 32, yaani sawa na asilimia 27% tu! Tungetegemea asilimia 50% kwa 50% kwani Tanzania imesaini na kuridhia mkataba wa nyongeza wa maendeleo ya kijinsia kusini mwa Afrika yaani SADC Gender Protocol. Pia 3

Tanzania ina asilimia ya 51 ya idadi ya wanawake ambao miongoni mwao wengi wana utaalamu na sifa za kuteuliwa kuwa wajumbe wa Tume.

WITO
I) Tunapenda kutoa wito kwa serikali kuwa mchakato wa Katiba ni wa muhimu sana hautakiwi kuchukuliwa kwa wepesi. Mchakato huu unajenga mustakabali wa Taifa letu kwa miaka mingi ijayo. Hivyo katika maamuzi yote yanayochukuliwa, kuwe na jicho la HAKI ZA BINADAMU na utawala wa sheria.

II) Pia tunapenda kutoa wito kwa WANANCHI wote wa Tanzania, mijini na vijijini, wakulima, wafanyakazi na wafanyabiashara, TUSHIRIKI kwenye mchakato huu. Tunawasihi kuwa Tume ya Katiba itakapokuja kwenye maeneo yetu tuhudhurie mikutano yote na kutoa maoni yetu juu ya Katiba Mpya.

Wananchi katika makundi au mtu mmojamoja anaweza kupeleka maoni ya maandishi kwenye tume mara anuani itakapojulishwa kwa wananchi.

III) Mwisho tunatoa wito kwa tume kuhakikisha watu wote wanatoa maoni yao bila ubaguzi. Makundi yote ya jamii yafikiwe (Wanawake, wanaume, watu wenye ulemavu na watoto wenye umri wa kutoa maoni).

Asanteni kwa kunisikiliza, 
 
Dr. Helen Kijo-Bisimba
Mkurugenzi mtendaji- LHRC
HABARI KAMILI..>>>

Thursday, April 19, 2012

UFISADI WAKITHIRI SEREKALI YA TANZANIA: MABILIONI YATAFUNWA NA IDARA MBALI MBALI

Waziri wa Fedha, Mustafa Mkulo
---
WABUNGE jana waliijia juu Serikali kwa matumizi mabaya ya fedha za umma na ufisadi ulijitokeza kwenye taasisi zake mbalimbali katika mwaka wa fedha ulioishia Juni 30, mwaka jana.

Hasira za wabunge hao zilitokana na ripoti tatu za Kamati za Bunge; Mashirika ya Umma (POAC), Serikali za Mitaa (LAAC) na Hesabu za Serikali Kuu (PAC) kuonyesha upotevu wa mabilioni ya shilingi yaliyotumika katika nyanja mbalimbali ikiwemo mishahara hewa na mikataba mibovu.

Mbunge wa Longido (CCM), Michael Laizer alisema ni aibu kila mwaka kuwa na ripoti za wizi wa mali za umma lakini Serikali inakaa kimya.

Alisema katika Halmashauri ya Wilaya ya Longido, mmoja wa maofisa wake aliidhinisha Sh11 milioni kwa ajili ya matengenezo ya gari. “Labda Serikali imechoka sasa inafanya makusudi fedha za wananchi zinaliwa lakini yenyewe inakaa kimya. Serikali itujibu hizi fedha zinazopitishwa kila mwaka zinakwenda wapi?” alihoji Laizer.

Mbunge wa Viti Maalumu (CUF), Magdalena Sakaya alisema Serikali inapaswa kuona aibu kwa kutekeleza pendekezo moja tu kati ya 12 yaliyotolewa na Mdhibiti na Mkaguzi wa Hesabu za Serikali (CAG) katika kipindi cha mwaka mmoja uliopita.

Alihoji suala la mishahara hewa kuendelea kujitokeza huku Serikali ikikaa kimya na kila mwaka CAG anatoa ripoti yake… “Kuna vitabu vya halmashauri za wilaya ambavyo CAG hakuvikagua kwa kuwa havikuonekana vilipo, sasa hapo tunakwenda wapi? Kuna Sh8 bilioni hazikufika katika halmashauri husika zimekwenda wapi? Wabunge tunatakiwa kuhoji na kupewa majibu sahihi.”

Mbunge wa Arumeru Mashariki (Chadema), Joshua Nassari alisema sasa Tanzania imekuwa kama Saccos kwa kuwa fedha za umma zinatafunwa bila utaratibu huku vielelezo vikitoweka kusikojulikana.

“Wakati wa uchaguzi wa wabunge wa Bunge la Afrika Mashariki, mawaziri walijaa bungeni ila sasa tunajadili hatima ya Watanzania hawaonekani. Wabunge tuwe kitu kimoja tuibane Serikali itueleze hizi fedha zimekwenda wapi?” alisema Nassari.

Mbunge wa Viti Maalumu (CCM), Ester Bulaya alisema chama tawala kisipokuwa makini katika Uchaguzi Mkuu wa mwaka 2015 kitahukumiwa na vijana.

“Serikali ndiyo chanzo cha fedha kutafunwa… inakuwaje Naibu Waziri wa Maji anasimama na kuahidi mambo mengi wakati anajua wazi kuwa fedha za kutekeleza miradi hazipo?” alihoji.

Alisema mwaka 2015, utakuwa mgumu kwa CCM kwa kuwa wakati huo vijana watakuwa asilimia 85 na wanaweza kukinyima kura kutokana na Serikali yake kushindwa kusimamia masuala ya msingi ya maendeleo.

Mbunge wa Kawe (Chadema), Halima Mdee aliwataka wabunge kuacha kulalamika kwa kuwa wao ndiyo wenye rungu la kuishikisha adabu Serikali: “Tukilalamika wananchi waliotuchagua nao watatushangaa kwa kuwa wametutuma kuwawakilisha na si kulalamika.”

Alisema umefikia wakati wa wabunge kuweka itikadi za vyama vyao pembeni na kuwashughulikia mawaziri wa wizara husika ambazo zinaonekana kuwa tatizo.

Mbunge wa Mwibara (CCM), Alphaxard Lugola alimlipua Waziri wa Fedha, Mustafa Mkulo akisema alihusika katika uuzaji wa mali ya Serikali katika Kiwanja namba 10 Barabara ya Nyerere na kwamba anaingilia utendaji wa mashirika ya Serikali.

Alisema kuwa kiwanja hicho awali, ilikuwa kiuzwe kwa Shirika la Tanzania Motors chini ya Kampuni ya Mashirika Hodhi ya Umma (CHC) kwa Sh1.3 bilioni lakini baadaye Mkurugenzi Mkuu wa CHC alipewa barua kusitisha uuzwaji wa jengo hilo na kumtaka kuitisha mazungumzo upya na Morad Sadik, ambaye alikuwa akitaka kununua eneo hilo awali.

“Inakuwaje wizara inaingia utendaji wa taasisi au kampuni zilizopo chini yake?” alihoji.

Awali, baada ya Kipindi cha Maswali na Majibu, Wenyeviti wa Kamati hizo za Bunge; Zitto Kabwe (POAC), John Cheyo (PAC) na Augustine Mrema (LAAC), waliwasilisha ripoti za kamati zao zinazoonyesha kukithiri kwa vitendo vya ufisadi serikalini na matumizi mabaya ya fedha za umma.

Kamati ya PAC
Cheyo alisema kamati yake imebaini kuwapo kwa matumizi ambayo hayakupitishwa na Bunge na kutaja Maonyesho ya Sabasaba, Nanenane na Utumishi kama sehemu ambako fedha hizo zilitumika.

Alisema mwaka 2009/2010 Wizara ya Afya na Ustawi wa Jamii, ilitumia fedha za matumizi ya jumla ya Sh1.10 bilioni kwa ajili ya Maonyesho ya Nanenane ambazo hazikuwamo kwenye bajeti iliyopitishwa na Bunge.

Alisema hata matumizi ya Sh21.63 bilioni zilizotumika kuendesha Mfuko wa Kukwamua Wananchi kiuchumi maarufu kama ‘mabilioni ya JK’ hazikuwapo katika bajeti iliyopitishwa na Bunge. Alipendekeza kuwa ili kuondoa hali hiyo, mfuko huo unatakiwa kuwa na mtu au taasisi ya kuusimamia badala ya kuachwa bila usimamizi.

Alisema kuwepo kwa udanganyifu na ukwepaji kodi kumeisababishia Serikali hasara ya Sh15.4 bilioni na Dola 2.6 milioni za Marekani.

Alisema Wizara ya Maliasili na Utalii na ilipoteza Sh874,853,564 baada ya kufanya uamuzi wa upendeleo wa kutoa kiwango cha chini cha mrabaha kwa mazao ya misitu.

Kuhusu magari ya Serikali, Cheyo alisema kumekuwa na matumizi yasiyo ya lazima katika uendeshaji na ukarabati wa magari hayo. Hadi Juni 30, 2010 Serikali ilikuwa inamiliki magari yenye thamani ya Sh5 trilioni.

Alisema mwendelezo wa ununuzi wa magari unaofanywa na Serikali unaongeza gharama za uendeshaji na kusisitiza kwamba matumizi hayo si ya lazima kwa Serikali yenye uchumi mdogo uliozidiwa na madeni.

Kuhusu ukaguzi wa magari uliofanywa na wakala chini ya Shirika la Viwango Tanzania (TBS), PAC imependekeza kuwajibishwa kwa ofisa masuuli wa Wizara ya Viwanda na Biashara kwa kuisababishia Serikali hasara ya Dola 18,343,540 za Marekani ambazo ni karibu Sh30 bilioni na kusisitiza: “Sh30 bilioni zilitumika kufanyia ukaguzi wa magari ambao haukuwepo.”

Alisema pia wamegundua kuwa Serikali inatumia fedha nyingi kwa ajili ya kukodi majengo ya wizara na kusisitiza kuwa moja inaweza kulipa kodi ya Sh485 milioni.

Alisema kuna watumishi hewa takriban 3,000 na kwamba Serikali haifahamu lolote kuhusu hali hiyo… “Kuna Sh1.8 bilioni ambazo hutumiwa na Serikali kwa ajili ya kulipa watumishi hewa. Pia imebainika kuwa Serikali haijui thamani ya majengo yake yaliyopo ndani na nje ya nchi.”

POAC
Zitto kwa upande wake, alielezea maeneo yenye matatizo sugu ya matumizi ya fedha ambayo yanahusisha ukiukwaji mkubwa wa Sheria ya Ununuzi wa Umma na kanuni zake.

Alitola mfano wa Shirika la Umeme Tanzania (Tanesco), ambalo kwa mwaka mmoja wa fedha linafanya ununuzi wenye thamani ya kati ya Sh300 bilioni hadi Sh600 bilioni.

Alisema kwa mwaka wa fedha 2009/2010, Tanesco  ililitumia Sh1.8 bilioni ukilinganisha na Sh65 milioni zilizokuwa zimepangwa katika bajeti ya ukarabati wa gati mojawapo katika Kituo cha Bwawa la Mtera. 

“Ongezeko hilo la gharama za ununuzi kwa ajili ya ukarabati, ni kiasi kikubwa na Kamati haikuridhika na majibu ya menejimenti hivyo kuagiza uchunguzi wa ndani ili kubaini uhalisia wa ununuzi huo,”alisema na kuongeza:

“Tumependekeza Tanesco ianze kutumia vyanzo vyake vya umeme na iache kununua umeme hasa wa kampuni ya IPTL kwani inatumia Sh62.4 kununua umeme katika kampuni hii kwa mwaka.”

Alisema Chuo Kikuu Kishiriki cha Mkwawa (MUCE) kilishindwa kuthibitisha kwa wakaguzi wa hesabu uwepo wa vifaa vya maabara vilivyonunuliwa ambavyo vina thamani ya Sh267 millioni.

Katika ripoti hiyo, Zitto alisema imebainika pia mkataba kati ya Shirika la Utangazaji Tanzania (TBC), na Kampuni ya Startimes unatakiwa kupitiwa upya ili uinufaishe TBC.

Pia aliugusia matumizi mabaya ya fedha katika Bodi ya Pamba ambako alisema kuwa kiasi cha Sh2 bilioni zilizotolewa na Serikali hazijulikani zilipo na wala hazikuwafikia wakulima wa zao hilo.

LAAC
Kwa upande wake, Mrema aliitaka Serikali ivunje mtandao wa wezi wa mali za umma na kuhoji inakuwaje inawakumbatia mafisadi?

Alihoji majalada ya watuhumiwa wa ufisadi kukaa zaidi ya miaka 10 katika Ofisi za Taasisi ya Kuzuia na Kupambana na Rushwa (Takukuru), Mkurugenzi Mkuu wa Mashtaka (DPP) na ile ya Makosa ya Jinai (DCI) wakati kesi za uchaguzi zimewekewa kikomo.

Alisema ripoti ya CAG kwa mwaka wa fedha ulioishia Juni 30, 2010, inaonyesha kuwa Sh583.2 milioni zililipwa kama mishahara hewa kiasi ambacho alisema kingetosha kujenga madarasa 194.

Mrema alisema katika ripoti hiyo, imebainika kwamba Sh8 bilioni zilitumika katika ununuzi usiokuwa na nyaraka na ama wenye nyaraka pungufu hali inayoashiria kuwapo kwa wizi.

Aliwataja watumishi wa Halmashauri ya Kishapu akisema ni vinara wa ubadhirifu wa Sh6 bilioni na kudai kuwa walishirikiana na baadhi ya watumishi wa Benki ya NMB Tawi la Manonga, Shinyanga kuiba fedha hizo za umma.

Aliwataja watumishi hao kuwa ni Mweka Hazina, Muhdin Mohamed, Mtunza Fedha wa Halmashauri hiyo, Walugu Mussa, Boniface Nkumiming na Mhandisi wa Halmashauri, Leonard Mashamba.

Alisema fedha hizo zilitafunwa kwa kutumia nyaraka feki, uhamisho wa fedha bila idhini na kuzitumia kinyume cha malengo, uhamisho wa fedha ambao haukufika kwenye akaunti husika na malipo kwa walipaji wasiofahamika.

Mrema aliilaumu Serikali kwa kuwahamisha kutoka halmashauri moja kwenda nyingine na Serikali Kuu, watumishi wanaotuhumiwa kwa ufisadi badala ya kuwachukulia hatua za kisheria.

Kamati hiyo imependekeza Bunge likubali kuitaka Serikali kutoa maelezo ya kuridhisha ni kwa nini ubadhirifu huo umeachwa ukishamiri kwa miaka mitatu mfululizo bila wahusika waliotajwa na CAG kuchukuliwa hatua.

“Shida iliyopo hapa ni Serikali kuonekana inawakumbatia wahusika kwa kisingizio cha uchunguzi unaendelea… nini kinachochunguzwa badala ya kupeleka watu mahakamani na kumuita CAG kama shahidi”
HABARI KAMILI..>>>

Jinamizi La Millya laendelea kuiandama CCM, safari hii Diwani wake mwingine mkoani Mwanza Ajiunga na CHADEMA


UPEPO mbaya unaonekana kukikumba Chama cha Mapinduzi (CCM), kwa viongozi wake kukihama chama hicho, umeingia katika Mkoa wa Mwanza, ambapo Diwani wa Kata ya Nyampulukano Wilayani Sengerema mkoani hapa, Hamis Mwangao Tabasamu ametangaza kuihama CCM na kujiunga na Chadema.

Diwani huyo ambaye amejipambanua kwa kupiga vita ufisadi ndani ya wilaya hiyo, ametangaza azma yake hiyo katika kikao na waandishi wa habari kilichofanyika Ryan's hoteli, na kupokelewa na aliyekuwa mbunge wa Arusha Mjini, Godbles Lema (Chadema).

Diwani Tabasamu ambaye jumamosi amepanga kuhudhuria na kuhutubia mkutano mkubwa utakaoongozwa na Katibu Mkuu wa Chadema, Dk. Wilbrod Slaa kata ya Nyampulukano, amekuwa ni miongoni mwa viongozi wengine wa CCM kukihama chama hicho na kujiunga na Chadema ndani ya muda wa wiki moja.

Hivi karibuni, aliyekuwa mwenyekiti wa Umoja wa Vijana wa CCM (UVCCM), Mkoa wa Arusha, James Milya alitangaza kujiuzulu nyadhifa zake zote kisha kujiunga rasmi na Chama cha Demokrasia na Maendeleo.

Mbali na Milya, viongozi wengine kadhaa akiwemo diwani wa Kata ya Sombetini mkoani Arusha, Alphonce Mawazo (CCM), juzi alikihama chama chake hicho kisha kujiunga na Chadema, chama ambacho kinaonekana kuiweka pabaya CCM na Serikali yake kwa ujumla.

Akizungumza mchana huu wa leo, katika kikao chake na waandishi mbele ya Lema ambaye pia ni Mjumbe wa Kamati Kuu ya Chadema Taifa, diwani Tabasamu ambaye aliwahi kuibua tuhuma za ufisadi katika halmashauri ya Wilaya ya Sengerema alisema: "Kuanzia leo (jana), natangaza rasmi kukuhama CCM na kujiunga na Chadema".

Alisema, lengo lake la kuhama kutoka ndani ya CCM si la kushawishiwa na mtu ama kiongozi yeyote, bali ni dhamira yake ya kweli kama Mtanzania halisi mwenye uhuru wa mawazo, na kwamba amechoshwa na siasa za 'majitaka' ndani ya CCM.

Kwa mujibu wa diwani huyo wa Nyampulukano wilayani Sengerema, kuondoka kwake CCM inatokana na kushindwa kuafikiana katika maslahi ya wananchi, ambapo alidai wapo baadhi ya viongozi wa halmashauri ya wilaya hiyo wanakumbatia vitendo vya kifisadi.

"Uamuzi wangu huu wa kuhamia Chadema kutoka CCM unatokana na kushindwa kuafikiana katika mambo yanayogusa maslahi ya wananchi katika halmashauri ya wilaya ya Sengerema.

"Mafisadi wameliteka baraza la Madiwani la Sengerema!. Kwa maana hiyo natangaza rasmi leo, najiuzulu nafasi zangu zote ndani ya CCM, na nahamia Chadema", alisema Tabasamu ambaye amewahi kuingia mgogoro na mkuu wa wilaya hiyo, Elinas Palagyo kwa kile kinachodaiwa msimamo wake wa kupiga vita ufisadi.

Alizitaja sababu nne za kuhama ndani ya chama hicho tawala kuwa ni pamoja na kuwepo kwa madiwani wengi wa CCM wasio wazalendo kwa kuruhusu kuhamishwa mnada wa ng'ombe kutoka Kijiji cha Ibondo Nyampulukano kisha kuhamishiwa Kata ya Sima.

Sababu nyingine ni ucheleweshaji wa makusudi kuunda halmashauri ya mji wa Sengerema kuanzia mwaka 1990 hadi mwaka huu, kupunguzwa kwa mipaka ya mji mdogo bila kufuata vikao halali vya kisheria.

Nyingine ni halmashauri ya wilaya hiyo ya Sengerema, iliyopo chini ya uenyekiti wake, Mathew Lubongeja (CCM), kushindwa kuwachukulia hatua watu aliowaita wezi waliotajwa na ripoti ya Mdhibiti na Mkaguzi Mkuu wa Hesabu za Serikali (CAG), PPRA, ambapo alidai maelekezo ya CAG kuhusu kuchukuliwa hatua watuhumiwa wa ufisadi kutotekelezwa hadi leo.

Awali, akizungumza katika kikao hicho na waandishi wa habari, Lema alimpongeza diwani huyo wa Nyampulukano kwa kuondoka ndani ya CCM na kujiunga na Chadema, na alisema huo ni uamuzi sahihi na wa kijasiri unaolenga kuikomboa nchi hii kutoka CCM.

"Nakupongeza sana mheshimiwa Tabasamu kwa kuondoka CCM na kuja Chadema chama makini. Nawaomba sana na madiwani, wabunge na viongozi wengine wa CCM wawahi kujiunga na Chadema kabla safina haijafungwa", alisema Lema.

Habari hii imeandikwa na Sitta Tumma - FikraPevu.com, Mwanza
HABARI KAMILI..>>>

DIAMOND AFUNGUKA NA KUONGELEA MPENZI WAKE MPYA

Mwimbaji Diamond Platnumz amekiri kwamba kwa sasa ana mpenzi mpya ambae sio maarufu kabisa. Ameamplfy jana kwamba

 “tuna kama mwezi hivi toka tumeanza kuwa pamoja, sio vizuri sana kumzungumzia kwa sababu naogopa sana drama mwisho yasije yakawa yale yale tena ndio maana nafanya siri lakini sio maarufu na wala sio Jokate.”


Mpekuzi wetu alipomuuliza kama ataingia tena kwenye mapenzi na mtu maarufu ambako ndiko alikotoka, Diamond amesema “kwa kweli siwezi kujua kwa sababu kila kitu kinaandikwa na mapenzi ni kama ajali.”

Diamond aliwahi kukanusha kwamba hana uhusiano wa kimapenzi na mrembo Jokate ambae walianza kuzungumziwa sana baada ya Jokate kushuka kwenye gari moja na Diamond wakati wakiwasili kwenye show ya Mlimani City wiki kadhaa zilizopita.
Kwenye hiyo benz alishuka Diamond na mama yake mzazi pamoja na Jokate na Diamond alipoulizwa alisema siku hiyo alitakiwa kushuka na mamodo wawili lakini mmoja ambae ni Lisa alishindwa kuja siku hiyo kwa hiyo ikabidi ashuke na Jokate tu.
HABARI KAMILI..>>>

BRIGEDIA ADAM MWAKANJUKI AMEFARIKI DUNIA ( SIMULIZI LA KIFO CHAKE )


Brigedia Jenerali, Adam clement Mwakanjuki wakati wa uhai wake akisalimiana na Waziri Mkuu Mizengo Pinda katika hospitali ya Lugalo Jijini Dar es Salaam.


Aliyekuwa Waziri wa zamani wa Serikali ya Mapinduzi Zanzibar Brigedia Jenerali, Adam clement Mwakanjuki amefariki dunia katika hospitali ya Lugalo Jijini Dar es Salaam. Marehemu Mwakanjuki amefariki duani jana Alaasiri baada ya kuugua kwa mfupi. Hata hivyo haikuelezwa alikuwa akisumbuliwa na kitu gani lakini alifikishwa hospitalini mapema wiki hii.


Brigedia Jenerali Mwakanjuki ni miongoni miongoni mwa wanasiasa wakongwe hapa nchini ambaye alianza kazi ya siasa kabla ya mapinduzi ya Zanzibar ya januari 12, 1964 katika chama cha Afro shirazi (ASP) na baadae Chama Cha Mapinduzi (CCM).

Marehemu Mwakanjuki aliwahi kuwa waziri wa kilimo na mifugo, waziri wan chi ofisi ya rais katiba na utawala bora, waziri wa nchi ofisi ya rais tawala za miko na vikosi vya SMZ na mumbe wa baraza la wawakilishi kwa muda mrefu.

Kwa mujibu wa familia ya marehemu wamesema kwamba taarifa ya mazishi itatolewa leo baada ya kukutana wanafamilia hiyo visiwani Zanzibar.

“Ni kweli Mjomba amefariki hivi punde dare s salaam na mipango ya mazishi itapangwa baada ya kikao cha familia yetu” alisema Vicky Mwakanjuki mtoto wa Dada wa Marehemu.

Wakati wa uhai wake Marehemu Mwakanjuki alikuwa waziri mwandamizi katika serikali ya Zanzibar katika wizara mbali mbali pamoja na kuwa mjumbe wa halmashauri kuu ya taifa ya CCM (NEC).

Tangu mwaka 2007 Marehemu Mwakanjuki hakuonekana katika harakati za siasa baada ya kupata ajali mbaya akitokea Dodoma kwenda Dar es Salaam katika eneo la Morogoro ambayo ilisababisha kuvunjika sehemu zake za viungo.

Licha ya juhudi za kupatiwa matibabu ndani na nje ya nchi lakini hakuweza kurudi katika hali yake ya kawaida ambapo wakati wa tukio inatokezea alikuwa akiendesha gari lake mwenyewe pamoja na mwanawe.

Mwakanjuki pia alikuwa afisa mwandamizi katika jeshi la wananchi wa Tanzania na kufikia cheo cha Brigedia Jenerali na ameongoza brigedi mbali mbali ikiwemo pia kuwa miongoni mwa waanzilishi wa jeshi la kujenga taifa JKT.

Hadi kufikia mwaka 2010 Marehemu alikuwa waziri wa mawasiliano a uchukuzi Zanzibar pamoja na kuwa mjumbe wa NEC hadi mauti yanamkuta.

HABARI KAMILI..>>>

SERIKALI KUIPA HADHI YA WILAYA HOSPITALI YA SINZA



WAKATI serikali ikiwa mbioni kuipatia hadhi Hospitali ya Sinza kuwa ya wilaya,kumebainika kwamba hospitali hiyo inakabiliwa na changamoto lukuki ikiwemo ya ukosefu wa wodi za kulaza wagonjwa.
 
Akizungumza na waandishi wa habari jijini Dar es Salaam leo wakati wa kukabidhiwa msaada wa mashuka 69 yenye thamani zaidi ya sh. 600,000 kwa ajili ya  wagonjwa kutoka kwa Chama cha Wafanyakazi wa Serikali za Mtaa (TALGWU).
Mratibu wa Huduma Saidizi Dk Hugolin Mselle alisema kuwa, licha ya serikali kuwa katika mkakati wa kuzindua rasmi hospitali hiyo kuwa ya wilaya lakini bado imeshindwa kuangalia matatizo mbalimbali yanayoikabili.
Akichanganua, Mselle alisema kwamba mbali na hospitali hiyo kutokuwa na wodi za kulaza wagonjwa kama wanaume, watoto na wakinamama bado hospitali hiyo inakabiliwa na ufinyu wa eneo, bajeti, pamoja na rasilimali watu kuwa chache.

“Hatuna wodi za kulaza wagonjwa wakiume,watoto wadogo, zaidi ya wakinamama wanaosubiria kujifungua watoto, na bajeti tunayotengewa na serikali kweli ni ndogo sana haikidhi ongezeko la wagonjwa” alisema Mselle.

Naye Katibu Mkuu wa TALGWU Taifa Sudi Madega alisema msaada huo umekuja baada ya chama hicho kubaini changamoto zinazoikabili hospitali hiyo bila kupatiwa ufumbuzi wa kina na serikali.

“Lengo la chama si kuishia hapa bali tuna mkakati endelevu ambao tunaendelea kujadili jambo jingine mbadala la kuisaidia hospitali hii kutokana na kuwa miongoni mwa hospitali za serikali zinazokabiliwa na changamoto mbalimbali.” Alisema Madega.

Hospitali hiyo inakabiliwa na uhaba  wa vitanda vya kulaza wagonjwa, dawa, vitendea kazi, magodoro,vifaatiba vya upasuaji, ultrasound  pamoja na jenereta.
HABARI KAMILI..>>>

WAZIRI MKUU MIZENGO PINDA APEWA MASAA 72 YA KUJIUZULU



Mwenyekiti wa Kamati ya Hesabu za Mashirika ya Umma, Mh Zitto Kabwe amelitaarifu Bunge kuwa mchakato unaandaliwa kukusanya saini za wabunge 70 ili kuweza kupeleka hoja ya kulitaka Bunge kupiga kura ya kutokuwa na imani na Waziri Mkuu.

Zitto amesema saini hizo 70 zinahitajika zwe zimepatikana kabla ya Jumatatu ( MASAA 72)  ili kuwezesha uwezeshaji wa kuwasilisha hoja hiyo ili Bunge limlazimishe Waziri Mkuu kujiuzulu au vinginevyo mawaziri wote waliotajwa kuhusika na ubadhirifu wa fedha za umma katika ripoti ya Mkaguzi Mkuu wa Hesabu za Serikali (CAG) wawe wamejiuzulu badala yake.

Hii imetokea jioni hii Bungeni Dodoma ambapo wabunge wengi bila kujali itikadi za vyama vyao wameonekana kukerwa na utendaji mbovu wa mawaziri wa Serikali ya Rais Jakaya Kikwete.
HABARI KAMILI..>>>

Wanachama wa GEPF kulipa michango yao Kupitia Airtel money

Makamu wa Rais Dr Mohamed Gharib Bilal akikata utepe ikiwa ni ishara ya kuzindua mfumo wa malipo ya michango ya wanachama wa GEPF kwa kupitia huduma ya Airtel money,halfa fupi ya  uzinduzi huo ulifanyika  katika hotel ya Gold Crest Mwanza. Kushoto ni Meneja wa kitengo cha Airtel money Asupya Nalingingwa, akifatiwa na Naibu Waziri wa fedha mh. Gregory Teu,na kaimu mwenyekiti wa bodi bw Ladislaus Salema.
Meneja wa kitengo cha Airtel money Asupya Nalingingwa akielezea huduma za 
Airtel money na urahisi wa  wanachama wa GEPF kuchangia kwa kutumia Airtel 
money katika halfa ya uzinduzi iliyofanyika katika hotel ya Gold crest , 
Pichani kulia ni Makamu wa Rais Dr Mohamed Gharib Bilal  akisikiliza 
maelekezo hayo.


========  ==========  =======


·         *Makubaliano hayo yataongeza ufanisi kwa GEPFna wanachama wake *

Kampuni ya simu za mkononi ya Airtel kwa kushirikiana na Government Employees Pension Fund (GEPF),mfuko wa mafao ya uzeeni kwa watumishi wa serikalini,  leo imezindua huduma itayowawezesha wanachama wa mfuko wa GEPF walioko Tanzania nzima kurejesha na kulipa michango yao ya kila mwenzi kwa
kupitia huduma ya Airtel money ,

 Uzinduzi wa makubaliano haya yamefanyika leo katika hotel ya Gold Crest mkoani mwanza na kuhudhuria na makamu wa Raisi Dr Mohamed Ghalib Bilal ambaye ndiye alikuwa mgeni rasmi  na kushiriki kuzindua huduma hii ya pekee itakayowawezesha wafanyakazi kulipia mafao yao bila usumbufu na kwa ufanisi
zaidi.

Katika hotuba yake Mkamu wa Raisi Dr Mohamed Ghalib Bilal alichukua fulsa kuwashukuru Airtel kwa kutoa huduma zinazokithi mahitaji ya jamii na wateja
kwa ujumla..aidha dr bilal amewapongeza GEPF kwa kupiga hatua na kutafuta njia mbadala za kuendesha shughuli zake kirahisi kwa ufanisi kwa hakika
hatua ya kutafuta changamoyo zilizopo katika ukusanyaji wa malipo, ama kwa hakika hatua mliyoichukue niya kuigwa na vyombo vingine vya umma.

Akizungumza kwa niaba ya Airtel Meneja wa kitengo cha Airtel money bw Asumpya Naligingwa alisema” Airtel leo tunajisikia furaha sana kugusa maisha ya watanzania kwa njia tofauti kupitia huduma hii ya Airtel money, kama mnavyofahamu kwa kupitia huduma ya Airtel money

Wateja wetu walioko nchi nzima wanaweza kufanya miamala mbalimbali ya fedha ikiwepo kulipa na
kupokea pesa, kulipia Luku, USA visa, kulipia Maji DAWASCO, ada za shule , kununua petrol kwenye vituo kadhaa nchini na nyingine nyingi, leo kwa kushirikiana na wenzetu wa GEPF tunawezesha wafanyakazi na wanachama wote nchi nzima kuweza kurejesha michango yao kwa kupitia huduma ya Airtel money ambayo italeta na kuongeza ufanisi zaidi kwani sasa wateja wa Airtel
wanaweza kulipia michango hii wakiwa mahali popote, siku yoyote, wakati wowote na  bila usumbufu ”

Tunaamini kabisa ushirikiano huu utaongeza na kuendelea kutunza idadi ya wanachama wa GEPF walioko sasa na kuleta ufanisi katika makusanyo ya michango kwa wanachama. Wenzetu wa GEPF wataweza kuona michango mara tu inapolipwa na pia itarahisisha njia ya malipo na kupunguza idadi ya watu wanaoenda ofisini au bank kulipia hivyo kuokoa muda unaotumika na wanachama
kufanya malipo. 

Jinsi ya kufanya malipo kupitia huduam ya Airtel money  ni rahisi mteja anachotakiwa kufanya ni kwenda kwenye menu ya Airtel money, lipa bill, ingiza jina la fumbo GEPF , ingiza reference namba ambayo ni namba ya uanachama, kisha bonyeza ndio, basi mojakwamoja akaunti ya GEPF
itapokea mchango wako na kukutumia ujumbe utakaodhibitisha malipo yako
aliongeza Naligingwa.

Naye Meneja masoko wa GEPF bwn Aloyce  Ntukamazina alisema” namshukuru makamu wa Raisi Dr Bilal kwa khudhuria  halfa hii na kuwa mgeni rasmi wa
mkutano wa GEPF mwaka 2012. 

GEPF kwa kushirikiana na Airtel tumeanzisha mpango utakaotupa sisi GEPF njia ya kukusanya michango ya wanachama ya kila mwezi kwa asilimia kubwa sasa kulinganisha na hapo Awali. Tunawaomba wanachama wetu kutumia njia hii mbadala kufanya malipo yao wakati wowote bila usumbufu  wala adha.”
HABARI KAMILI..>>>