Je, Unatafuta Kazi au Ajira?
<< BOFYA HAPA>> Kupata Ajira Yako Leo

Wednesday, May 13, 2020

Kada wa CHADEMA Mdude Nyagali "Mdude Chadema" Afikishwa Mahakamani Kwa Kosa la Kukutwa na Dawa za Kulevya

Jeshi la Polisi Mkoa wa Mbeya linamshikilia Mpaluka Nyagali Mdude (32) ambaye ni Kada wa CHADEMA Maarufu kwa jina la Mdude Chadema Mkazi wa Itezi Jijini Mbeya kwa tuhuma za kupatikana na Unga unaodhaniwa ni dawa za kulevya Aina ya Heroin.

Akizungumza na vyombo vya habari leo Jumatano May 13, 2020, Kamanda wa Jeshi la Polisi Mkoa wa Mbeya  Ulrich O. Matei amesema mtuhumiwa alikamatwa  May.10.2020 Jioni katika msako ulioyofanyika maeneo ya Kadege Stendi, kata ya Forest, Tarafa ya Sisimba, Jijini Mbeya. 

RPC Matei amesema mara baada ya kukamatwa mtuhumiwa Polisi walikwenda nyumbani kwake Mtaa wa Mwasote – Itezi Jijini Mbeya kwa ajili ya kufanya upekuzi na katika upekuzi huo kulikutwa busta tano [05] za unga udhaniwao kuwa dawa za kulevya aina ya Heroine wenye uzito wa gram 23.4 ambao ulikuwa umehifadhiwa kwenye mfuko wa kaki ambao ndani yake kulikuwa na mifuko midogo miwili ya Nylon. Mtuhumiwa pia alikutwa na simu mbili za mkononi aina ya Samsung na Nokia, CD 24 za aina mbalimbali.

Amesema mnamo tarehe 12.05.2020 unga huo udhaniwao kuwa dawa za kulevya ulipelekwa Ofisi ya Maabara ya Mkemia Mkuu wa Serikali Kanda ya Nyanda za Juu Kusini kwa uchunguzi zaidi wa kimaabara na ilithibitika kuwa unga huo ni dawa za kulevya aina ya Heroine Hydrochloride wenye uzito wa gram 23.4.

Aidha ameeleza kuwa, Heroine Hydrochloride husababisha ulevi usioponyeka kirahisi [Drug dependence] na hatimae husababisha mtumiaji kuharibikiwa na akili na kwamba Dawa hizi pia zimo kwenye kundi la kwanza la orodha za sumu [Part One Poison].

Amesema mtuhumiwa MPALUKA NYAGALI MDUDE pia alikuwa anatafutwa kwa tuhuma za kutoa lugha za uchochezi kwenye mitandao ya kijamii dhidi ya Serikali ya Jamhuri ya Muunganio wa Tanzania iliyopo madarakani ya awamu ya tano.

Matei amesema Upelelezi wa shauri hili unaendelea, mtuhumiwa amefikishwa Mahakama ya Hakimu Mkazi Mbeya.


Kesi imeahirishwa hadi May 27,2020 na mtuhumiwa amerejeshwa mahabusu.
ap
Loading...
ad

Advertisement
Usipitwe na Habari Yoyote. Install Mpekuzi App kwenye Simu Yako Upate Habari Zetu kwa Wepesi Zaidi

==>>... << BOFYA HAPA  Kui Install>>
Mgid
taboola apo chini
hapa
Tupe Maoni Yako( Matusi Hapana )