Je, Unatafuta Kazi au Ajira?
<< BOFYA HAPA>> Kupata Ajira Yako Leo

Thursday, February 10, 2022

Utafiti: Samaki Wa Ziwa Victoria Hawajaathirika Kwa Zebaki


Waziri wa Nchin Ofisi ya Makamu wa Rais (Muungano na Mazingira), Mhe. Dkt. Selemani Jafo amesema tafiti zinaonesha samaki na dagaa wanaopatikana katika Ziwa Victoria hawajaathirika kwa zebaki.

Amesema hayo bungeni jijinin Dodoma wakati akijibu swali la Mbunge wa Viti Maalumu, Mhe. Juliana Masaburi aliyetaka kufahamu iwapo Serikali imefanya utafiti kuhusu samaki hao iwapo wameathiriwa na kemikali hiyo kama inavyodaiwa.

Dkt. Jafo alisema kuwa wataalamu wanaendelea kuhakikisha matumizi mbalimbali ya kemikali hiyo katika maeneo ya Kanda ya Ziwa yanadhibitiwa huku akiwataka waendelee kuzingatia masuala mahsusi ya kimazingira ili kulinda nchi yetu.

Pia, akijibu swali kuhusu udhibiti wa uchafuzi pembezoni mwa Ziwa Victoria ambao unapunguza samaki kuzaliana hivyo shughuli za uvuvi kudorora, waziri huyo alisema Serikali imeandaa Kanuni, Miongozo na kuhakikisha Tathmini ya Athari kwa Mazingira (TAM) inafanyika kwa miradi ya maendeleo iliyopo na inayotarajiwa kufanyika pembezoni mwa ziwa hilo.

Aliongeza kuwa imeandaliwa mikakati pamoja na kuendelea kutekeleza katazo la matumizi ya mifuko ya plastiki kwa ajili ya kubebea bidhaa ambayo kwa kiasi kikubwa ilikuwa ikichangia uchafuzi pembezoni mwa Ziwa Victoria.

Hata hivyo, Dkt. Jafo alibainisha kuwa uchafuzi wa mazingira unaofanyika pembezoni mwa ziwa unatokana na shughuli za kibinadamu zisizozingatia hifadhi ya mazingira zikiwemo utiririshaji wa majitaka kutoka katika maeneo ya makazi pamoja utupaji wa taka ngumu kutoka majumbani na viwandani.

Alitaja shughuli zingine kuwa ni kilimo kisicho endelevu kinachosababisha uchafuzi wa maji kutokana na kuongezeka kwa tabaki (segments) na matumizi yasiyo sahihi ya viuatilifu na mbolea za viwandani na uchimbaji wa madini usio endelevu.

ap
Loading...
taboola dsk
ad

Advertisement
Usipitwe na Habari Yoyote. Install Mpekuzi App kwenye Simu Yako Upate Habari Zetu kwa Wepesi Zaidi

==>>... << BOFYA HAPA  Kui Install>>
Mgid
taboola apo chini
hapa
Tupe Maoni Yako( Matusi Hapana )

End: