Je, Unatafuta Kazi au Ajira?
<< BOFYA HAPA>> Kupata Ajira Yako Leo

Friday, February 18, 2022

Watu 74 wafa kwa wivu wa mapenzi, wizi, kujinyonga Geita


WATU 74 wamefariki dunia Mkoa wa Geita kwa kujinyonga, wivu wa mapenzi na wizi kwa miezi minane kuanzia Juni mwaka 2021 hadi Januari mwaka huu.

Hayo yalibainishwa jana na Kamanda wa Polisi Mkoa wa Geita, Henry Mwaibambe, alipozungumza na viongozi wa dini katika Halmashauri ya Mji wa Geita.

Mwaibambe, alisema watu hao walikufa katika maeneo mbalimbali ya mkoa huo, na kwamba kuanzia Agosti mwaka 2021 hadi Januari mwaka huu, watu 46 walifariki dunia kwa sababu mbalimbali, kati yao wawili walikufa kwa imani za kishirikina, 10 kwa wivu wa mapenzi, wanane walikufa kwa ugomvi wa kawaida, watatu kwa uhalifu na 23 kwa wizi.

Alisema kati ya Juni mwaka 2021 hadi Januari mwaka huu, watu 28 walikufa kwa kujinyonga katika maeneo mbalimbali ya mkoa wa Geita, hivyo kusababisha taharuki kwa wananchi wa mkoa huo.

Kamanda Mwaibambe aliwataka viongozi wa dini kuhakikisha wanawaeleza waumini wao kuhusiana na matukio hayo na kuwahubiria maadili mema ili kukomesha matukio hayo ya kujinyonga na uhalifu katika Mkoa wa Geita.


Tangazo
ap
Loading...
taboola dsk
ad

Advertisement
Usipitwe na Habari Yoyote. Install Mpekuzi App kwenye Simu Yako Upate Habari Zetu kwa Wepesi Zaidi

==>>... << BOFYA HAPA  Kui Install>>
Mgid
taboola apo chini
hapa
Tupe Maoni Yako( Matusi Hapana )

End: