Tuesday, September 5, 2017

Tume Ya Uchaguzi Kenya Yatangaza Tarehe ya Uchaguzi wa Rais

Tume huru ya uchaguzi nchini Kenya IEBC imetangaza rasmi tarehe ya uchaguzi wa urais, ambao utakuwa wa marudio baada ya Mahakama kuufuta wa awali

Kwa mujibu wa taarifa iliyotolewa na tume hiyo kwa vyombo vya habari kupitia mitandao ya kijamii ukiwemo wa twitter, IEBC imesema Oktoba 17 ndiyo tarehe rasmi ya kufanyika uchaguzi huo.

"Uchaguzi mpya utafanyika Oktoba 17 mwaka 2017, kufuatia uamuzi wa Mahakama ya Juu wa kufuta uchaguzi wa urais uliofanyika Agosti 8, 2017, hakutakuwa na wagombea wapya, wagombea ni Raila Odinga na mwenzake Kalonzo Musyoka, pia Uhuru Kenyatta na mwenzake William Ruto", iliandika taarifa hiyo.

Uchaguzi huo ulitakiwa kufanyika ndani ya siku 60 tangu uamuzi wa Mahakama ya juu wa kuufuta ule wa awali kutolewa, Septemba 1 mwaka huu.

Advertisement
==

Bonyeza HAPA kudownload applicationi ya Mpekuzi Blog kwenye simu yako ili kupata habari zetu Haraka

===
Tupe Maoni Yako( Matusi Hapana )