Sunday, November 19, 2017

Ndugai aunda kamati mbili kushughulikia sekta uvuvi na gesi

Spika wa Bunge la Jamhuri ya Muungano wa Tanzania, Job Ndugai ameunda kamati mbili zitakazoshughulikia sekta ya Uvuvi na Gesi ili kuweza kujua ni kwa nini hazichangii pato la taifa.

Ndugai ameunda kamati hizo baada ya zingine mbili za kutathmini mfumo wa uchimbaji, usimamizi. umiliki na usimamizi wa madini ya Tanzanite na almasi kuwasilisha taarifa kwa Rais Dkt, John Magufuli na kusababisha baadhi ya mawaziri kujiuzulu.

Akitangaza kamati hizo bungeni mjini Dodoma, Ndugai alimrejesha Dotto Biteko aliyekuwa mwenyekiti wa kamati iliyochunguza madini ya Tanzanite kuwa mwenyekiti wa kamati itakayochunguza sekta ya gesi.

Alisema kuwa hali ya kusuasua katika sekta hizo unahitaji kufanyiwa utafiti ili kuweza kuona ni namna gani zitaweza kuchangia pato la taifa.

Hata hivyo. Ndugai alimuagiza Katibu wa Bunge kuwawezesha wabunge hao ili waanze kazi mara moja na kamati hizo zimetakiwa kufanyakazi ndani ya siku 30 tangu zilipokabidhiwa majukumu.

Advertisement
==

Bonyeza HAPA kudownload applicationi ya Mpekuzi Blog kwenye simu yako ili kupata habari zetu Haraka

===
Tupe Maoni Yako( Matusi Hapana )