Wednesday, October 31, 2018

RC Makonda atoa siku tano kwa Wenye Picha za Uchi Kwenye Simu Zao Kuzifuta

Mkuu wa mkoa wa Dar es salaam, Paul Makonda amewataka wakazi wa Dar es salaam kufuta video na picha za ngono zote walizonazo kwenye simu zao, ili kujiepusha kukumbana na rungu la TCRA.

Mh. Makonda ametoa wito huo leo alipokuwa akizungumza na wandishi wa habari, na kusema kwamba ipo siku TCRA watafanya ukaguzi kugundua nani anahusika na kuvujisha video za ngono mitandaoni, na itakuwa aibu iwapo mtu mzima au kiongozi wa serikali kukutwa nazo.

“Naomba kabla ya Jumatatu wewe Mwana Dar es salaam uliyeweka picha za ngono kwenye simu yako, naomba zifute, TCRA wana uwezo mkubwa wa kufuatilia, heri wafuatilie wakute zilikuwepo lakini zimefutwa, na vile vile unaweza ukajisahau ukaacha simu bila kuweka password mtoto akachukua simu kucheza game, akakutana na picha za ngono, ni aibu”, amesema Paul Makonda.

Leo Mh. Makonda aliitisha mkutano na waandishi wa habari kuzungumzia mkakati wake wa kukomesha ushoga na biashara ya ngono jijini Dar es salaam ambapo ametangaza kuunda kamati ya kufuatilia vitendo hivyo, ambayo amevitaja kulipa laana taifa.
Advertisement
==


Advertisement
Usipitwe na Habari Yoyote. Install Mpekuzi App kwenye Simu Yako Upate Habari Zetu kwa Wepesi Zaidi

==>>... << BOFYA HAPA  Kui Install>>
==

....

===
Tupe Maoni Yako( Matusi Hapana )