Saturday, November 3, 2018

Riwaya Kali: POWER - Sehemu ya 25

MWANDISHI: EDDAZARIA G.MSULWA- 0657072588
ILIPOISHIA
Camila akaanza kwa kunipatia mabusu mototomo ambayo yaliyo ufanya mwili wangu wote kusisimka kimahaba.
“Nakupenda sana Ethan wangu”
“Nakupenda pia mpenzi wangu”
“Yaani sikuamini kama unaweza kutoa timu yako kidedea hakika sijakosea kuwa nawe Ethan nakupenda sana, tena sana mpenzi wangu na ninakuomba tukimaliza masome unioe”
Camila alizungumza kwa hisia kali sana huku nikihisi machozi yakimwagika.
“Etha nakuomba unioe”   
“Nitakua mpenzi wangu”
Kelele za gafla zikaibuka kwenye basi na wachezaji wezangu wakaanza kunifwata kwenye siti niliyo kaa huku basi likifunga breki kali sana na kunisababisha hofu na mashaka makubwa sana kwani sijua ni kitu gani kilicho sababisha dereva kufunga breki za gafla.

ENDELEA
“Ngoja ninakupigia mpenzi wangu”
Nilipo maliza kuzungumza maneno hayo     nikakata simu na kuiingiza mfuoni simu yangu. Nikashuhudia gari mbii nyeusi kubwa zikiwa zimesimama mbele ya basi letu huku pikipiki aliyo kuwa ikiendeshwa na askari, ikiwa pembeni mwa barabara huku ikiwa imegongwa vibaya. Watu walio valia nguo nyeusi, huku wamezificha sura zao na mikononi mwao wakiwa na bunduki. Wakalizunguka basi letu kwa haraka huku wakimuamrisha dereva kufungua mlango huu wa basi.
“Nyote rudini nyuma”
 
Nilizungumza kwa amri huku nikitembea kuelekea mbele alipo dereva. Dereva mwili mzima unamtetemeka, hata mimi mwenyewe japo nimajitahidi kufika hapa mbele ila mwili mzima umejawa na jasho litokanalo na woga. Nikauona mkono wa dereva ukielekea kwenye kitufe cha kufungulia mlango.
“Usiminye”
Nilimuambia dereva huyu na kwa haraka akaurudisha mkono wake nyuma huku akiendelea kutetemeka sana kwa woga. Watekaji mmoja akapiga risasi kwenye kioo cha mlango wa gari hili na kikavunjika. Woga ukazidi kututawala, dereva pasipo kipingamizi cha aina yoyote akaminya batani hiyo na mlango ukafunguka, wakaingia watekaji wanne, wawili wakanifwata mimi na kunipiga na kitako cha bunduki usoni mwangu na kusababisha gizo zito kwenye mboni zangu za macho na kuanzia muda huu sifahamu ni kitu gani kinacho endelea.
                                                                                                                   ***
Sauti ya za wanaume wawili wakizungumza lugha ya Russia, zikanistua kutoka katika dimbwi zito la kulala. Nikajaribu kunyanyua mkono wangu mmoja ila nikashindwa kutokana na kufungwa nyuma katika kiti hichi nilicho kalia.
 
“Munahitaji nini kutoka kwangu”
Nilizungumza kwa hasira sana huku nikiwatazama wanaume hawa wawili wenye bunduki mikononi mwao. Wakanitazama kwa muda ila hawakunijibu kitu chochote zaidi ya kukaa kimya.
“Nawauliza nyinyi washenzi muna hitaji nini kutoka kwangu”
Mmoja wao akanisogelea, akasimama mbele yangu kwa sekunde kadhaa. Kisha akanitandikia kofi moja jito sana hadi nikaanguka na kiti changu mzima mzima. Akaninyanyua na kunikalisha tena huku akionekana kujawa na hasira kali sana. Akatoa kitambaa chake kikubwa mfukoni, akakikunja kunja vizuri kisha akanifunga mdomoni mwangu kwa nguvu na ujanja wote wa kuzungumza ukaniishia.
“Kaa kimya la sivyo utakufa”
Baada ya kuzungumza maneno hayo akaondoka katika eneo hili na kurudi mlangoni alipo simama mwenzaje na wakaendelea kuzungumza mazungumzo wanayo yajua wao wenyewe. 
 
‘ETHAN UPO WAPI RAFIKI YANGU’
Nilizungumza kimoyo moyo huku nikimwagikwa na machozi mengi sana. Ethna hakuweza kunijibu kitu cha aina yoyote zaidi ukimya kutawala. Nikarudia kumuita Ethan mara kwa mara ila sikuweza kumpata hadi ikafikia hatua nikapoteza matumaini yangu kabisa. Baada ya nusu saa, wakaingia wanaume wawaili mmoja akiwa ni mzee sana huku mwengine akiwa ni kijana ila amevalia suti nyeusi.
“Ethan Klopp habari za siku nyingi”
Mzee huyu alinisalimia huku akinitazama usoni mwangu. Nikamtazama kwa muda huku nikijitahidi kuvuta kumbukumbu za wapi niliweza kumuona.
 
“Naamini itakuwa ni vigumu sana kunikumbuka si ndio”
Alizungumza huku akinivua kitambaa hicho mdomoni mwangu.
“Unataa nini kwangu”
“Ni kitu kidogo sana ninacho kihitaji kwako”
“Kitu gani?”
“Nahitaji boksi jeusi”
“Boski jeusi!!?”
“Ndio boksi jeusi, baba yako Mzee Klopp alilichukua kwetu na hatujui ni wapi alipo liweka hivyo basi nalihitaji”
“Kwa kweli sifahamu unazungumza nini mzee, naomba uniachie kabla ya nchi yangu ya Ujerumani haijachukua hatua kali sana dhidi yako”
 
“Hahahaaa……upo mbali sana na Ujerumani. Hapa ni Russia na hutoweza kwenda popote hadi pale nitakapo pata boksi langu”
Nikashusha pumzi nyingi sana huku nikimtazama mzee huyu usoni mwake. Akanyoosha mkono kwa mwanaume aliye ingia naye humu ndani, mwanaume huyu akamkabidhi simu na akaweka video.
“Huyu ni dada yako Mery hapa watu wangu wanamuangalia popote pale anapo kwenda, ukifanya mchezo wa aina yoyote basi dada yako nitamuua”
 
“Ole wenu mujaribu kumgusa dada yangu nitahakikisha kwamba ninawachinja mmoja baada ya mwengine”
“Haahahaa Ethan acha hasira zisikudanganye, huna uwezo wa kufanya jambo lolote juu yangu. Tutakuachia huru ila kwa sharti la kuniletea boksi hapa nchini mwangu”
Kwa ishara mzee huyu akamuamrisha mmoja wa watu wake walio simama mlangoni, akanifwata na kunifunga kitambaa cheusi mdomoni na kukirudisha kitambaa alicho kifunga mdomoni mwangu na kunifanya nishindwe kuona wala kuzungumza chochote. Wakaanza kunitembea, hatua kadhaa mbeleni mwangu nikasiki mngurumo wa helicopter. Nikaingizwa kwenye helcopter hii na taratibu safari ya kuondoka katika eneo hili ikaanza. Ukimya mwingi ukatawala ndani ya hii helicopter sikuweza kusikia sauti za watu wakizungumza.
 
‘Ethan upo wapi rafiki yangu?’
Nilizungumza kimoyo moyo ila sikuweza kuhisi uwepo wake. Safari hii ikazidi kuchukua masaa mengi sana hewani.
“Tunakaribia kutua”
Niliisikia sauti ya mwanaume huyo ambaye kwa haraka haraka akili yangu inahisi kwamba anazungumza na simu.
“Sawa bosi”
Nikahisi kitu chenye ncha kali kikinichoma kwenye mkono wangu wa kulia, na baada ya sekunde kadhaa nikapitia na usingizi mmoja mzito sana ambao umenifanya nisijue ni kitu gani kinaendelea.
                                                                                                                   ***
“Ethan…..Ethan”
 
Niliisikia sauti ya Mery akizungumza huku akilia, nikajaribu kufumbua macho yangu ila ukungu mwingi ulio nitawala usoni mwangu, ukanifanya nishindwe kuweza kuomuona Mery. Sauti za kuzungumza zikaongezeka huku nikisikia madaktari jinsi wanavyo elezana vitu vya kufanya. Nikapatia huduma ya haraka sana na baada ya muda kidogo nikaanza kujihisi nafuu huku nikimuona Mery akiwa amekaa pembeni ya kitanda changu huku amenishika mkono wangu wa kulia.
“Ethan”
“Mmmmm”
“Unajisikiaje?”
“Kidogo afadhali”
“Pole sana”
“Asante”
“Ni nini kilicho tokea?”
“Ehee?”
“Nini kilicho tokea?”
“Kwani imekuwaje?”
 
“Tulikuokota leo asubuhi katika hoteli ambayo uliniagiza niwachukulie wachezaji wezako”
“Muliniokota?”
“Ndio”
“Wachezaji wezangu wapo wapi?”
“Wapo nje huku wanakusubiria”
“Ni siku ya ngapi toka nipotee?”
“Ya tatu leo, nchi nzima kumekuwa na msako wa kukutafuta na ukipata nafuu basi wana usalama watakuhoji maswali kadhaa”
“Umesema ni siku ya ngapi leo?”
“Ya tatu?”
“Mungu wangu leo usiku timu yangu si inacheza?”
“Ndio ila huto weza kwenda kucheza Ethan, umenipa hofo kubwa sana kwa kupotea kwako. Huwezi amini ndani ya siku hizo tatu nimekuwa ni mtu wa kushindia maji tu, chakula hakikuweza kukatiza kabisa kwenye koo langu”
Kabla sijazungumza chochote, mlango ukafunguliwa, akaingia Camila na kwa haraka akanifwata kitandani nilipo na kunikumbatia kwa nguvu sana huku akilia kwa uchungu. Tukakumbatia kama kwa dakika tano hivi, kisha taratibu Camila akaanza k... midomo yangu.
 
“Umerudi lini kutoka nchini Tanzania?”
“Yaani sasa hivi ndio ninatoka uwanja wa ndege, nilighairisha safari yangu nikiwa nchini Kenya, ilimlazimu baba kutuma private jet kuja kunichukua Kenya na ndio nimefika. Nilistushwa sana na kutekwa kwako mpenzi wangu, tambua siwezi kwenda mbali nawe kwenye maisha yangu”
Camila alizungumza huku akimwagikwa na machozi usoni mwake.
“Nipo nje”
Dada Mery alizungumza huku akinyanyuka kwenye kiti alicho kikalia. Camila akamshika mkono, kisha wakakumbatiana kwa muda.
“Samahani Ethan wachezaji wezako wanahitaji kukuona”
Daktari alizungumza huku akiwa amesimama mlangoni mwa chumba hichi.
 
“Waruhusu tu waingie”
Wachezaji wezangu wakaingia kwa utaratibu huku wakinitazama, nikaweka tabasamu usoni mwangu ili kuto waogopesha kama nina matatizo.
“Vipiti mimu kapteni”
“Safi, mbona mumekuwa wanyonge sana, mutaweza kucheza kweli mechi ya leo?”
“Bila ya sisi kufahamu afya yako kaka hatuwezi kufanya kitu chochote, na tutashindwa kuingia uwanjani na tupo tayari kwa wapinzani wetu wapewe point tatu kwa sisi kushindwa kuingia uwanjani”
Kapteni msaidizi alizungumza kwa unyonge sana huku machozi yakiwalenge lenga usoni mwao. Hakika kwa hali waliyo nayo dhairi inaonyesha kwamba wananipenda sana na kunikubali.
 
“Hatuwezi kuwapa nafasi maadui zetu kushinda. Tunatakiwa kufanya jambo katika hili”
“Ila kapteni haupo sawa”
“Ndio sipo sawa, ila nahitaji nyinyi muwe sawa. Kwa umoja wenu, kwa kushikamana kwenu na kwa kupambana kwenu nahitaji mechi ya leo wote mukacheze kwa pamoja. Mukacheze kwa umoja na mushinde kwa pamoja. Lazima tuimarishe uhodari wetu. Wapinzani wetu wasitumie udhaifu wa kuto kuwepo mimi uwanjani, kuwashindwa nyinyi. Munatakiwa kuwa na NGUVU. Nguvu ya mshikamamo wa pamoja, nilazima tushinde sawa?”
Nilizungumza kwa msisitizo huku machozi yakinimwagika usoni mwangu. Wachezaji wezangu nikawaona wakimwagikwa na mchozi.
“Mimi ni kama tawi katika mti, nikikatika ni lazima mzizi usimame imara kuhakikisha unanizaa tena na tena. Nyinyi ni mzizi, ingieni leo uwanjani na ninahitaji mechi hii ya leo mushinde kwa ajili yangu sawa”
 
“Sawa timu kapteni”
“Nilazima mushinde kwa ajili yangu. Sawa”
“Sawa”
Nikazidi kuwahimiza wachezaji wangu. Nguvu na faraja ambayo hapo awali waliipoteza ikarejea upya kabisa.
“Kwa ajili ya mpenzi wangu. Ninawaomba muhakikishe munashinda mechi hii, nina imani mukishinda hata yeye kesho tu hapa atapona sawa jamani”
Camila alizungumza huku akiwatazama wachezaji wezangu.
“Sawa shemeji ni kwa ajili yenu tutashinda”
“Frenando yupo wapi?”
 “Kesho atatoka hospitalini na ataanza mazoezi na timu kesho kutwa”
“Naamini nami pia nitaanza mazoezi hivi karibu. Ila ninacho waomba leo mushinde goli nyingi zaidi ya munavyo weza. Pinto hakikisha mambo yanakwenda vizuri”
“Usijali kapteni”
Tukaagana na wachezaji wezangu na wakaondoka hospitalini hapa na moja kwa moja wakaelekea uwanjani kwa ajili ya mechi ya leo. Camila akawasha tv iliyomo humu ndani na kuweka stesheni inayo onyesha mpira huu moja kwa moja kutoka uwanjani(Mubashara). 
 
“Dada Mery unaweza kunisaidia chakula?”
“Ndio ngoja nikakuchukulie”
Dada Mery akanyanyuka hapa kitandani na kutoka humu chumbani, mlangoni akapishana na Ethan pasipo yeye kumuona. Ethan akatembea kwa kujiamini hadi karibu kabisa mwa kitanda changu. Akamtazama Camila kwa muda kisha akamshika mkono wake pasipo Camila yeye mwenyewe kujijua, hazikupita hata dakika tano Camila akakilaza kifua chake kifuani mwangu huku akilala usingizi fofofo.
“Umemfanya nini mpenzi wangu?”
“Tunacho takiwa kuzungumza sisi wawili yeye hakimuhusu”
“Hakimuhusu vipi?”
“Umesahau masharti yetu. Endapo utamueleza mtu yoyote kuhusiana na mimi basi nitakwenda kumuua huyo mtu pasipo huruma ya aina yoyote”
 
Ethan alizungumza huku mboni za macho yake zikibadilika badilika rangi, mara nyeusi, mara rangu ya blue na akazidi kutisha zaidi, zilipo badilika kuwa rangi nyekundu, huku machozi ya rangi nyekudu yakimwagika usoni mwake jambo lililo nifanya nijawa na woga mkubwa sana na wasiwasi.
“Najua uliniita sana, ila kila jambo lililotokea kwa sababu ya huyu mwanamke wako. Kwa ajili yake yeye nilazima sadaka ya damu za wanadamu zitolewe ili furaha yako izidi kudumu zaidi na zaidi”
Ethan alizungumza kwa sauti nzito sana iliyo jaa utetemeshi mithili ya radi hadi nikajikuta mimi mwenyeweni nikiogopa sana kwani kila analo lizungumza linasababisha vitu vilivyomo ndani ya hichi chumba kupeperushwa na kuanguka chini.

==>>ITAENDELEA KESHO
Advertisement
tang
==


Advertisement
Usipitwe na Habari Yoyote. Install Mpekuzi App kwenye Simu Yako Upate Habari Zetu kwa Wepesi Zaidi

==>>... << BOFYA HAPA  Kui Install>>
==

....

===
Tupe Maoni Yako( Matusi Hapana )