Je, Unatafuta Kazi au Ajira?
<< BOFYA HAPA>> Kupata Ajira Yako Leo

Friday, May 22, 2020

Jiji la Dar es salaam na Mwanza kutumika kwa ligi nne kuanzia Juni 1, 2020

adv1
Na Eleuteri Mangi-WHUSM, Dodoma.
Serikali imeruhusu ligi kuu nne kuanza kuchezwa nchini kuanzia Juni 1, 2020 kwa tahadhari zote ili kumpata bingwa wa ligi hizo na timu mwakilishi katika Kombe la Shirikisho Barani Afrika.
 
Kauli hiyo imetolewa na Waziri wa Habari, Utamaduni, Sanaa na Michezo Dkt. Harrison Mwakyembe katika mkutano na waandishi wa habari leo jijini Dodoma kuhusu uamuzi wa Serikali wa kuanza kwa ligi hizo baada ya kusitishwa kwa muda kufuatia ugonjwa mlipuko waugonjwa wa  homa kali ya mapafu (COVID-19) unaosababishwa na virusi vya Corona.
 
“Tunaruhusu ligi nne tu kwa kuanzia hali ikiendelea  vizuri tunafungulia michezo yote, kwasasa tunafungulia ligi kuu, ligi daraja la kwanza, ligi daraja la pili na kombe la shirikisho la Azam” amesema Dkt. Mwakyembe.
 
Ili ligi hizo ziweze kuchezwa kwa ufanisi, Dkt Mwakyembe amesema zitachezwa katika vituo vikuu viwili ambavyo ni Dar es salaa na Mwanza ambapo kwa upande wa kituo cha Dar es Salaam uwanja vya Taifa, Uhuru na Chamazi na kituo cha Mwanza viwanja vitakavyotumika ni CCM Kirumba na Nyamagana.
 
Waziri Dkt. Mwakyembe amesema kituo cha Dar es Salaam kitahusisha mechi za ligi kuu pamoja na kombe la shirikisho la Azam  wakati kituo cha Mwanza kitahusisha ligi daraja la kwanza na ligi daraja la pili.
 
Dkt. Mwakyembe ameongeza kuwa Katibu Mkuu wa wizara hiyo Dkt. Hassan Abassi kuanzia jana ameruhusu wachezaji wa vilabu hivyo waanze kufanya mazoezi ili kujiandaa na michezo hiyo kwa kuwa wamekaa muda mrefu tangu michezo kusitishwa mapema mwezi Machi 2020.
 
Aidha, Dkt. Mwakyembe amezihimiza taasisi zinazohusika na utaalamu zihakikishe ratiba ya michezo hiyo inatolewa mapema ili ili mashindano hayo yafanyike kwa ufanisi.
 
Taasisi zinazosimamia mashindano hayo ni Shirikisho la Mpira wa Miguu (TFF), Bodi ya ligi, Baraza la michezo la Taifa (BMT), Kurugenzi ya Maendeleo ya Michezo pamoja na wasimamizi wa viwanja.
 
Vile vile Waziri huyo ameongeza kuwa Serikali imeweka utaratibu ambao unazidi kuboreshwa ambapo  wachezaji wote watapimwa joto, na kutahadharisha upimaji huo usiwe na vitu vya kuhujumu timu na wachezaji hivyo ameiagiza BMT kushirikiana na Wataalam wa Afya katika zoezi hilo.
adv
Loading...

Advertisement
Usipitwe na Habari Yoyote. Install Mpekuzi App kwenye Simu Yako Upate Habari Zetu kwa Wepesi Zaidi

==>>... << BOFYA HAPA  Kui Install>>
Mgid
taboola apo chini
hapa
Tupe Maoni Yako( Matusi Hapana )