Je, Unatafuta Kazi au Ajira?
<< BOFYA HAPA>> Kupata Ajira Yako Leo

Tuesday, May 5, 2020

TRA Kagera Yavuka Malengo Ya Serikali Yakusanya Billion 16 Kwa Robo Ya Mwaka Wa Fedha 2019-2020.

adv1
NA Avitus Benedicto Kyaruzi,Kagera
Jumla ya shilingi Bilioni 16.18 zimekusanywa na mamlaka ya mapato Tanzania mkoani Kagera kwa upande wa kodi za forodha na kodi za ndani kwa kipindi cha kuanzia mwezi Januari-Machi 2020 sawa na 110.03% ikiwa lengo lilikuwa ni kukusanya shilingi bilion 14.7 

Hayo yamebainishwa na Meneja wa T.R.A mkoani Kagera Bwana Adam Ntoga wakati akizungumza na mwandishi wa kituo hiki akitoa taarifa ya utendaji kazi kwa kipindi cha Januari –machi mwaka huu. 

Bwana Ntoga amesema kuwa kwa kipindi cha Januari –machi 2020 mkoa wa Kagera ulipangiwa kukusanya kiasi cha shilingi bilioni 14.7 kwa upande wa kodi za forodha na kodi za ndani na wameweza kukusanya kiasi cha shilingi bilioni16.18 na kuvuka lengo walilopewa na serikali .

Aidha ameongeza kuwa ni mafanikio makubwa  kwa kipindi  hiki kwa kuwa kipindi kilichopita kuanzia mwezi Januari –machi mwaka jana  utendaji kazi wao ulikuwa ni 94.5%. 

Bwana Ntoga amesema kwa upande wa kodi za ndani mkoa wa Kagera ulipangingiwa kukusanya jumla ya shilingi billion 9.1 na wamefenikiwa  kukusanya shilingi bilioni 9.8 sawa na jumla 107.5% ya  kwa kodi za ndani Wakati kwa upande  forodha mkoa wa Kagera ulipangiwa kukusanya billion 5.6 na walifanikiwa kukusanya billion 6.4 sawa 114.16%

Bwana Ntoga amesema wamefikia mafanikio hayo kutokana na elimu inayoendelea kutolewa kupitia vyombo vya habari mkoani humo pamoja na kuwatumia ujumbe mfupi wa maandishi (sms) kwa wateja wote ili kuwakumbusha kulipa kodi kwa wakati. 

Sanjali na hayo amebainisha kuwa kwa kushirikiana na taasisi nyingine za serikali wameweza kufanikiwa kuondoa malimbikizi ya kodi . 

Kwa upande mwingine amewapongeza wana kagera kwa ushiriki wao katika shughuli za ulipaji kodi ikiwa nipamoja na kulipa kodi kwa muda muhafaka hasa katika kipindi hiki cha kupambana na virusi vya corona na kuwataka wananchi mkoani humo kuendelea kuchukua tahadhari za kujikinga na virusi hivyo zinazo tolewa na serikali.
adv
Loading...

Advertisement
Usipitwe na Habari Yoyote. Install Mpekuzi App kwenye Simu Yako Upate Habari Zetu kwa Wepesi Zaidi

==>>... << BOFYA HAPA  Kui Install>>
Mgid
taboola apo chini
hapa
Tupe Maoni Yako( Matusi Hapana )