Je, Unatafuta Kazi au Ajira?
<< BOFYA HAPA>> Kupata Ajira Yako Leo

Saturday, December 11, 2021

Mawakili nchini wasisitizwa kuzingatia maadili


Jaji Mkuu wa Tanzania, Profesa Ibrahimu Juma amewataka mawakili nchini kuzingatia maadili katika utekelezaji wa majukumu yao, ili kuondoa malalamiko ambayo yamekuwa yakitolewa dhidi yao.

Jaji Mkuu ametoa kauli hiyo mkoani Dar es Salaam, wakati wa hafla ya kuwaapisha na kuwakubali mawakili wapya 314.

Amesema katika kipindi hiki ambacho dunia yote ni kijiji, hakuna nafasi kwa Mawakili wasio na maadili na sifa, hivyo ni vema wakazingatia jambo hilo.

Jaji Mkuu wa Tanzania amewataka mawakili nchini kutoa taarifa kwa mamlaka husika pindi wanapoona kuna mawakili miongoni mwao wasio na maadili ambao wamekuwa wakichafua taaluma yao, ili wachukuliwe hatua stahiki.

Kwa upande wake Mwanasheria Mkuu wa Serikali, Dkt. Eliezer Feleshi amewataka mawakili hao wapya kutambua kuwa uwakili ni taaluma adhimu, hivyo wanatakiwa kutekeleza majukumu yao kwa uadilifu na kwa kuzingatia sheria za nchi.

Pia amewataka Mawakili hao wapya kufuata na kuheshimu taratibu za kimahakama, na waache kuwatoza wateja wao kiwango kikubwa cha fedha tofauti na kile kilichoainishwa katika sheria zilizopo.

chn
ap
Loading...
taboola dsk
ad

Advertisement
Usipitwe na Habari Yoyote. Install Mpekuzi App kwenye Simu Yako Upate Habari Zetu kwa Wepesi Zaidi

==>>... << BOFYA HAPA  Kui Install>>
Mgid
taboola apo chini
hapa
Tupe Maoni Yako( Matusi Hapana )

End: